तास खेलिरहेको अवस्थामा १३ जना पक्राउ

कैलाली, २०७७ कात्तिक २ गते
    धनगढी उपमहानगरपालिका-१३ श्रीलंका बस्ने प्रकाश बिष्टको घरमा तास खेलिरहेको अवस्थामा बिष्ट लगायत १३ जनालाई शनिबार राति प्रहरीले पक्राउ गरेको छ ।
उनको घरमा तास खेलाइरहेको भन्ने खबर प्राप्त हुनासाथ जिल्ला प्रहरी कार्यालय कैलालीबाट खटिएको प्रहरीले उनीहरुलाई नगद २ लाख ३५ हजार १ सय ५० रुपैयाँ र ५ गड्डी तास सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।