डाँका चोरी मुद्दाका फरार प्रतिवादी पक्राउ

बारा, २०७८ जेठ २८ गते
  डाँका चोरी मुद्दामा १२ वर्षदेखि फरार रहेका प्रतिवादी विश्रामपुर गाउँपालिका-५ बस्ने ४० वर्षीय पन्नालाल महतो धानुकलाई बिहीबार प्रहरीले पक्राउ गरेको छ ।
जिल्ला अदालत बाराको २०६६ मंसिर १६ गतेको फैसलाले उक्त मुद्दामा ६ वर्ष कैद र ६४ हजार ५ सय रुपैयाँ जरिवाना ठहर भई फरार रहेका उनलाई जिल्ला प्रहरी कार्यालय बाराबाट खटिएको प्रहरीले लुकिछिपी बसेको अवस्थामा फेला पारी पक्राउ गरेको हो ।
उनलाई जिल्ला अदालत बाराको आदेशानुसार कैद भुक्तानको लागि कारागार कार्यालय वीरगंज पठाइएको जिल्ला प्रहरी कार्यालय बाराले जनाएको छ ।