सिरहा, बरियारपट्टी गाउँपालिका-३ बसपार्कबाट नियन्त्रित लागूऔषध नाईट्रोभेट ३७ एम्पुल सहित सुखिपुर नगरपालिका-८ महादेवा बस्ने २० वर्षीय सुभाष चौधरीलाई बिहीबार दिउँसो प्रहरीले पक्राउ गरेको छ ।  ईलाका प्रहरी कार्यालय बरियारपट्टीबाट खटिएको प्रहरीले जाँच गर्ने क्रममा उनलाई उक्त लागूऔषध सहित फेला पारी पक्राउ गरेको हो । 

रौतहट, माधवनारायण नगरपालिका-५ मिठुअवा बस्ने ५२ वर्षीया सितापती देबी साहलाई अवैध लागूऔषध  गाँजा करिब २ किलो ५ सय ग्राम सहित  बिहीबार दिउँसो प्रहरीले पक्राउ गरेको छ । उनले आफनै घरमा लागूऔषध गाँजा लुकाई राखी बिक्री गरिरहेको भन्ने सूचनाको आधारमा ईलाका प्रहरी कार्यलय गरुडाबाट खटिएको प्रहरीले घर खानतलासी लिने क्रममा उक्त गाँजा सहित फेला पारी पक्राउ गरेको हो । 

कास्की, पोखरा महानगरपालिका-९ शान्तिवनबाट अवैध लागूऔषध गाँजा करिब २ किलो २५ ग्राम सहित सोही ठाउँ घर भएकी २१ वर्षीया सुनिता भुजेललाई बिहीबार दिउँसो प्रहरीले पक्राउ गरेको छ ।  उक्त स्थानमा अवैध लागूऔषध कारोवार हुदैछ भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरीले सुनिताले कोठाभित्र लुकाई राखेको उक्त गाँजा सहित फेला पारी उनलाई पक्राउ गरेको हो । 

पर्सा, वीरगंज महानगरपालिका-१६ शंकराचार्य गेटबाट अवैध लागूऔषध खैरो हेरोइन २० ग्राम सहित बहुदरमाई नगरपालिका-१ बस्ने १९ वर्षीय हरिओम महतोलाई बिहीबार साँझ प्रहरीले पक्राउ गरेको छ । भारतबाट नेपालतर्फ पदैल आउँदै गरेका उनलाई प्रहरीले जाँच गर्ने क्रममा उक्त खैरो हेरोइन सहित फेला पारी पक्राउ गरेको हो ।

यस सम्बन्धउमा प्रहरीले आवश्यक अनुसन्धान गरिरहेको छ ।