अवैध लागूऔषधसहित पक्राउ
२०८०-०४-१६
- A
- A-
- A+
सुनसरी, धरान उपमहानगरपालिका-८ तीनकुनेबाट अवैध लागूऔषध गाँजा ५९ किलोग्रामसहित भारत अररिया नरपथगंजथापा तामगंज-४ बस्ने २२ वर्षीय मुन्ना कुमार मण्डललाई मंगलबार बिहान प्रहरीले पक्राउ गरेको छ । अस्थाई प्रहरी पोष्ट तीनकुनेबाट खटिएको प्रहरीले काठमाडौंबाट भारततर्फ जाँदै गरेको बीआर १० के २९३३ नम्बरको भारतीय गाडीलाई जाँच गर्ने क्रममा फल्स वटमभित्र लुकाइ राखेको उक्त गाँजासहित उनलाई पक्राउ गरेको हो ।
धनकुटा, छथरजोरपाटी गाउँपालिका-६ डेरा गरी बस्ने सोही गाउँपालिका-५ परेवादिन घर भएका २३ वर्षीय फुर्सुदी शेर्पालाई नियन्त्रित लागूऔषध स्पासपेन १ हजार ५ सय ५५ क्यापसुल र ट्रामोल १ हजार १ सय ५८ क्यापसुलसहित मंगलबार बिहान प्रहरीले पक्राउ गरेको छ । प्रहरी चौकी सिधुवाबाट खटिएको प्रहरीले उनको कोठाबाट उक्त लागूऔषध फेला पारी उनलाई पक्राउ गरेको हो ।
नवलपरासी(पश्चिम), बर्दघाट नगरपालिका-१४ नारायणचोकबाट नियन्त्रित लागूऔषध बुप्रोनोर्फिन २४ एम्पुल, डाइजेपाम २४ एम्पुल र प्रोमेथाजिन हाइड्रोक्लोरिड २३ एम्पुलसहित चितवन भरतपुर महानगरपालिका-१ बस्ने ३५ वर्षीय राजु श्रेष्ठलाई मंगलबार बिहान प्रहरीले पक्राउ गरेको छ । ईलाका प्रहरी कार्यालय सेमरीबाट खटिएको प्रहरीले उनलाई उक्त लागूऔषधसहित पक्राउ गरेको हो ।
मोरङ, बिराटनगर महानगरपालिका-१६ हुलास चोकबाट नियन्त्रित लागूऔषध लुपिजेसिक ७ एम्पुल, फेनारगन २ एम्पुल, एभिल ७ एम्पुल र डाइजेपाम ७ एम्पुलसहित कानेपोखरी गाउँपालिका-४ बस्ने ३५ वर्षीय सुबिन राईलाई मंगलबार दिउँसो प्रहरीले पक्राउ गरेको छ । लागूऔषध नियन्त्रण व्यूरो बिराटनगरबाट खटिएको प्रहरीले भारतबाट नेपालतर्फ आउँदै गरेको प्रदेश १-०२-०४५१ प ४८२४ नम्बरको मोटरसाइकलमा सवार उनलाई उक्त लागूऔषधसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।