बडा दसैं २०८३ को अवसरमा प्र.म.नि. दान बहादुर कार्कीज्यूद्वारा मौलो पुजा सम्पन्न । मितिः २०८३।०७।०३ गते ।
बडा दसैं २०८३ को अवसरमा प्र.म.नि. दान बहादुर कार्कीज्यूद्वारा निशानमा पञ्जा छाप लगाउनु हुँदै। मितिः २०८३।०७।०३ गते ।
७१औं प्रहरी दिवस २०८३ को अवसरमा नेपाल प्रहरी प्रधान कार्यालयमा वृक्षारोपण गर्नुहुँदै माननीय गृह मन्त्री सुधन गुरुङज्यू। मिति:-२०८३।०६।३० गते
७१औं प्रहरी दिवस २०८३ को अवसरमा अमर प्रहरी स्मारकमा पुष्पहार अर्पण गर्नुहुँदै माननीय गृह मन्त्री सुधन गुरुङज्यू। मिति:- २०८३।०६।३० गते
७१औं प्रहरी दिवस २०८३ को अवसरमा आयोजित अमर प्रहरीहरु प्रति श्रद्धाञ्जली अर्पण कार्यक्रम । मिति:- २०८३।०६।३० गते
Police Mirror 2026 लोकार्पण गर्नुहुँदै माननीय गृह मन्त्री सुधन गुरुङ ज्यू। मिति:- २०८३।०६।३० गते
पुलिस ब्याटन २०८३ प्राप्त गर्न सफल लुम्बिनी प्रदेश प्रहरी कार्यालय प्रमुख प्र.ना.म.नि. भूपेन्द्र बहादुर खत्रीज्यूलाई ब्याटन हस्तान्तरण गर्नुहुँदै माननीय गृहमन्त्री सुधन गुरुङज्यू । मिति:-२०८३।०६।३० गते
७१औं प्रहरी दिवस २०८३ को अवसरमा प्र.ना.म.नि. (अ.प्रा.) डा. प्रेम लाल श्रेष्ठ ज्यूलाई 'LIFETIME ACHIEVEMENT AWARD ' प्रदान गर्नुहुँदै माननीय गृह मन्त्री सुधन गुरुङज्यू । मिति:-२०८३।०६।३० गते
प्रहरी निरीक्षक आधारभूत तालिम १-१८४ औं समूहको दीक्षान्त समारोहका प्रमुख अतिथि सम्माननीय प्रधानमन्त्री वालेन्द्र शाहज्यूसंग सामूहिक फोटो । मिति २०८३।०६।२६ गते ।
नेपाल प्रहरी प्रधान कार्यालयमा श्रीमान् गृहसचिव केदारनाथ शर्माज्यूबाट निरीक्षण तथा निर्देशन सम्बोधन कार्यक्रम पश्चात सामुहिक तस्विर । मिति २०८३।०५।२४ गते ।
नेपाल प्रहरी प्राविधिक समूहतर्फ पदोन्नति हुनु भएका प्रहरी अधिकृतज्यूहरुलाई दर्ज्यानी चिन्हद्वारा सुशोभन पश्चात सामुहिक तस्बिर । मितिः-२०८३।०४।२१ गते ।
पाचौँ संयुक्त राष्ट्रसंघीय चिफ अफ पुलिस समिट (UNCOPS 2026) को मुख्य समारोहमा प्रहरी महानिरीक्षक दान बहादुर कार्कीज्यू ।
संयुक्त राष्ट्रसंघको प्रधान कार्यालय न्यूयोर्कमा आयोजना हुने Fifth United Nations Chiefs of Police Summit (UNCOPS) मा सहभागी हुन जान लाग्नुभएका प्र.म.नि. दान बहादुर कार्कीज्यू तथा सशस्त्र प्रहरी बल, नेपालका स.प्र.म.नि. नारायण दत्त पौडेलज्यूहरूको बिदाई कार्यक्रम । मितिः- २०८३।०३।२१ गते ।
प्रहरी महानिरीक्षक दान बहादुर कार्कीज्यू र नेपालका लागि अमेरिकी कार्यवाहक राजदूत स्कट अर्बमको उपस्थितिमा नेपाल प्रहरी डिजिटल फरेन्सिक ल्याबलाई डिजिटल फरेन्सिक सम्बन्धी विभिन्न सफ्टवेयर तथा हार्डवेयर उपकरणहरू हस्तान्तरण गरिएको। मितिः- २०८३।०३।१६ गते ।
नेपाल प्रहरी जनपद तथा प्राविधिक समूहतर्फ पदोन्नति हुनु भएका प्रहरी अधिकृतज्यूहरुलाई दर्ज्यानी चिन्हद्वारा सुशोभन पश्चात सामुहिक तस्बिर । मितिः-२०८३।०२।२२ गते
नेपाल प्रहरीको रणनीतिक योजना (२०८३-०८५) सार्वजनिकीकरण गर्नुहुँदै प्र.म.नि.दान बहादुर कार्कीज्यू । मिति:-२०८३।०२।०५ गते
नागरिक सहायता तथा गुनासो व्यवस्थापन अनलाईन प्रणालीको शुभारम्भ गर्नुहुँदै प्र.म.नि.दान बहादुर कार्कीज्यू । मिति:-२०८३।०२।०५ गते
अन्य जानकारीहरु
चारित्रिक प्रमाणपत्र
नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।
चालचलन प्रमाणपत्र सम्बन्धी थप जानकारी
Mission Statement
"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"
-
अवैध लागूऔषध सहित विभिन्न स्थानबाट ३५ जना पक्राउ
२०८३-०७-१२कास्की, पोखरा महानगरपालिका-७ बाट अवैध लागूऔषध खैरो हेरोइन १२ ग्राम सहित ३ जनालाई बुधबार प्रहरीले पक्राउ गरेको छ । पक्राउ पर्नेहरूमा सोही महानगरपालिका-१७ घर भएका २४ वर्षीय पारस गुरूङ, धादिङ निलकण्ठ नगरपालिका-७ घर भएका ३१ वर्षीय प्रकाश पोखरेल र झापा मेचीनगर नगरपालिका-६ घर भएका ४५ वर्षीय बिशाल आङदेखे (लिम्बु) रहेका छन् । लागूऔषध नियन्त्रण ब्यूरो शाखा कार्यालय पोखराबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । मोरङ, सुन्दरहरैंचा नगरपालिका-१२ बाट अवैध लागूऔषध ब्राउनसुगर जस्तो देखिने पदार्थ २ ग्राम ७ सय ३० मिलिग्राम र नगद १८ हजार ५ सय ८० रूपैयाँ सहित सुनसरी दुहबी नगरपालिका-१२ बस्ने २६ वर्षीय संजय उरावलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय बिराटचोकबाट खटिएको प्रहरीले उनलाई उक्त पदार्थ सहित पक्राउ गरेको हो । सुनसरी, कोशी गाउँपालिका-१ लौकहीबाट अवैध लागूऔषध ब्राउनसुगर जस्तो देखिने पदार्थ करिब २ ग्राम सहित इलाम चुलाचुली गाउँपालिका-५ बस्ने ४२ वर्षीय याम कुमार राईलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय लौकहीबाट खटिएको प्रहरीले उनलाई उक्त पदार्थ सहित पक्राउ गरेको हो । यसैगरी सुनसरी, धरान उपमहानगरपालिका-५ गैरीगाउँ बस्ने ३६ वर्षीय अमिर सार्कीलाई अवैध लागूऔषध ब्राउनसुगर जस्तो देखिने पदार्थ ४ सय मिलिग्राम सहित बुधबार दिउँसो प्रहरीले पक्राउ गरेको छ । कोशी प्रदेश प्रहरी कार्यालय विराटनगर समेतबाट खटिएको प्रहरीले उनको कोठा तलासी गर्दा उक्त पदार्थ फेला पारी पक्राउ गरेको हो । यसैगरी सुनसरी, इटहरी उपमहानगरपालिका-८ गैसार डेरा गरी बस्ने १८ वर्षीय किशोर समेत ३ जनालाई नियन्त्रित लागूऔषध ट्रामाडोल ५ हजार २ सय ७० ट्याब्लेट र डाइक्लोमाइन ५ हजार ५ सय १० ट्याब्लेट सहित बुधबार राति प्रहरीले पक्राउ गरेको छ । इलाका प्रहरी कार्यालय इटहरीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । यसैगरी सुनसरी, इटहरी उपमहानगरपालिका-११ सम्झना टोलबाट नियन्त्रित लागूऔषध ट्रामाडोल ८ सय १० ट्याब्लेट र डाइक्लोमाइन ८ सय ट्याब्लेट सहित मोरङ सुन्दरहरैंचा नगरपालिका-२ बेलडाँगी बस्ने २७ वर्षीय अरूण माझीलाई बुधबार दिउँसो प्रहरीले पक्राउ गरेको छ । प्रहरी चौकी खनारबाट खटिएको प्रहरीले उनलाई उक्त लागूऔषध सहित पक्राउ गरेको हो । साथै प्रहरीले उनले प्रयोग गरेको प्र.१-०२-०४१ प २५४६ नम्बरको मोटरसाइकल समेत बरामद गरेको छ । बारा, बिश्रामपुर गाउँपालिका-४ बाट अवैध लागूऔषध ब्राउनसुगर जस्तो देखिने पदार्थ ४ ग्राम ५१ मिलिग्राम सहित २ जनालाई बुधबार साँझ प्रहरीले पक्राउ गरेको छ । पक्राउ पर्नेहरूमा जीतपुरसिमरा उपमहानगरपालिका-५ बस्ने २२ वर्षीय बिशाल सहनी र २६ वर्षीय रोशन कुश्वाहा रहेका छन् । लागूऔषध नियन्त्रण ब्यूरो शाखा कार्यालय वीरगंज समेतबाट खटिएको प्रहरीले भारतबाट नेपालतर्फ आउँदै गरेको ना.१२ प ३७१६ नम्बरको मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो । यसैगरी बारा, प्रसौनी गाउँपालिका-६ बाट अवैध लागूऔषध गाँजा ५ सय ग्राम सहित भारत घर बताउने ६० वर्षीय शम्भु सहनीलाई बुधबार साँझ प्रहरीले पक्राउ गरेको छ । उक्त स्थानमा खटिएको प्रहरीले उनलाई उक्त गाँजा सहित पक्राउ गरेकोहो । साथै थप अनुसन्धानको क्रममा उक्त गाँजा सोही गाउँपालिका-७ बलुवा टोल बस्ने ४५ वर्षीय अच्छेलाल सहनीसँग खरिद गरेको भन्ने खुल्लासाथ अच्छेलालको घर तलासी गर्दा अवैध लागूऔषध गाँजा ८ किलो ७ सय ग्राम फेला पारी उनलाई समेत प्रहरीले पक्राउ गरेको छ । सिराहा, औरही गाउँपालिका-२ बाट अवैध लागूऔषध गाँजा करिब ८४ किलो ५ सय ९० ग्राम सहित २ जनालाई बुधबार राति प्रहरीले पक्राउ गरेको छ । पक्राउ पर्नेहरूमा औरही गाउँपालिका-२ तुलसीपुर बस्ने ५३ वर्षीय छेदी दासर र बरियारपटी गाउँपालिका-३ शिवनगर बस्ने ६५ वर्षीय शंकर यादव रहेका छन् । प्रहरी चौकी हर्कटीबाट खटिएको प्रहरीले उनीहरूलाई उक्त परिमाणको गाँजा सहित पक्राउ गरेको हो । चितवन, भरतपुर महानगरपालिका-१९ चारपाटे चोकबाट अवैध लागूऔषध खैरो हेरोइन जस्तो देखिने पदार्थ ५ ग्राम ५४ मिलिग्राम सहित २ जनालाई बुधबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने लमजुङ दोर्दी गाउँपालिका-८ घर भएका ३१ वर्षीय सागर तामाङ र भरतपुर महानगरपालिका-२० चन्द्रमा टोल बस्ने ३८ वर्षीय रोशन गुरूङ रहेका छन् । इलाका प्रहरी कार्यालय चनौलीबाट खटिएको प्रहरीले सागरको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । साथै थप अनुसन्धानको सोही महानगरपालिका-१९ रानिपोखरी बस्ने ४३ वर्षीय अमित लामा भन्ने ईश्वर लामाको घरमा तलासी गर्दा ब्राउनसुगर जस्तो देखिने पदार्थ ४१ ग्राम र नगद ३९ हजार ५ सय रूपैयाँ फेला पारी ईश्वरलाई समेत प्रहरीले पक्राउ गरेको छ । कैलाली, भजनी नगरपालिका-५ पगियापसारबाट अवैध लागूऔषध ब्राउनसुगर जस्तो देखिने पदार्थ १ ग्राम १ सय १० मिलिग्राम सहित भजनी नगरपालिका-५ पगियापसार बस्ने २१ वर्षीय दिपक बुढा समेत २ जनालाई बुधबार बेलुकी प्रहरीले पक्राउ गरेको छ । इलाका प्रहरी कार्यालय भजनी समेतबाट खटिएको प्रहरीले से.७ प ७४२ नम्बरको मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो । यसैगरी कैलाली, भजनी नगरपालिका-३ मरियाघाटबाट अवैध लागूऔषध ब्राउनसुगर जस्तो देखिने पदार्थ ७ सय २० मिलिग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा टीकापुर नगरपालिका-३ बस्ने १९ वर्षीय सुमित सुनार र २० वर्षीय अभिषेक विक रहेका छन् । इलाका प्रहरी कार्यालय भजनीबाट खटिएको प्रहरीले भारतबाट नेपालतर्फ आउँदै गरेको से.४ प ७२४२ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । यसैगरी कैलाली, धनगढी उपमहानगरपालिका-८ बुद्धचोक नजिकबाट अवैध लागूऔषध ब्राउनसुगर जस्तो देखिने पदार्थ ४ सय ४० मिलिग्राम सहित जोशीपुर गाउँपालिका-१ बस्ने २९ वर्षीय नराज चौधरी समेत ४ जनालाई गए राति प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । महोत्तरी, मटिहानी नगरपालिका-८ बाट अवैध लागूऔषध गाँजा १ किलो ६ सय ग्राम सहित सोही ठाउँ बस्ने ४५ वर्षीय बिनोद सुडिलाई बुधबार बेलुकी प्रहरीले पक्राउ गरेको छ । प्रहरी चौकी मटिहानी समेतबाट खटिएको प्रहरीले उनलाई उक्त गाँजा सहित पक्राउ गरेको हो । धनकुटा, चौबिसे गाउँपालिका-६ राजारानी बजारबाट अनियन्त्रित लागूऔषध ट्रामाडोल ६४ ट्याब्लेट, डाइक्लोमाइन ३७ ट्याब्लेट र स्पास्पेन ३१ ट्याब्लेट सहित पाँचथर मिक्लाजुङ गाउँपालिका-८ बस्ने २१ वर्षीय रोमन भन्ने रमेश पोखरेललाई बुधबार साँझ प्रहरीले पक्राउ गरेको छ । इलाका प्रहरी कार्यालय राजारानीबाट खटिएको प्रहरीले उनलाई उक्त लागूऔषध सहित पक्राउ गरेको हो । ललितपुर, ललितपुर महानगरपालिका-२ सानेपा खरिबोटबाट अवैध लागूऔषध खैरो हेरोइन जस्तो देखिने पदार्थ ६ ग्राम ९ सय ९० मिलिग्राम सहित काठमाडौं न्यूरोड बस्ने भारत घर भएका ३८ वर्षीय गणेश कामतीलाई बुधबार राति प्रहरीले पक्राउ गरेको छ । प्रहरी प्रभाग सानेपाबाट खटिएको प्रहरीले बा.५३ प १६९६ नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ गरेको हो । झापा, बिर्तामोड नगरपालिका-५ नयाँ बसपार्कबाट अवैध लागूऔषध ब्राउनसुगर जस्तो देखिने पदार्थ ५ सय १० मिलिग्राम सहित सुनसरी इटहरी उपमहानगरपालिका-२ बस्ने २१ वर्षीय अनिष खड्कालाई बुधबार दिउँसो प्रहरीले पक्राउ गरेको छ । अस्थायी प्रहरी पोष्ट बसपार्कबाट खटिएको प्रहरीले उनलाई उक्त पदार्थ सहित पक्राउ गरेको हो । बाँके, बैजनाथ गाउँपालिका-१ हरियाली चोकबाट अवैध लागूऔषध ब्राउनसुगर जस्तो देखिने पदार्थ १ सय ८० मिलिग्राम सहित सोही गाउँपालिका-१ बस्ने २८ वर्षीय क्रिन्स परियार समेत ३ जनालाई बुधबार साँझ प्रहरीले पक्राउ गरेको छ । इलाका प्रहरी कार्यालय चिसापानीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यसैगरी बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ ७ सय मिलिग्राम सहित कोहलपुर नगरपालिका-८ बस्ने २३ वर्षीय गोपाल रानालाई बुधबार साँझ प्रहरीले पक्राउ गरेको छ । इलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ] -
१५ दिनको अवधिमा २ सय ३९ जना लागूऔषध कारोबारी पक्राउ
२०८३-०७-११काठमाडौं, सुनसरी इनरूवा नगरपालिका-४ ज्ञानोदय टोलबाट अवैध लागूऔषध गाँजा ९ सय १५ किलो ६ सय ८० ग्राम सहित ३६ वर्षीय बुलबुल यादव समेत ४ जना कात्तिक १ गते पक्राउ परे । जिल्ला प्रहरी कार्यालय सुनसरीबाट खटिएको प्रहरीले बुलबुल यादवको घर तलासी गर्दा उक्त लागूऔषध फेला पारी उनीहरूलाई पक्राउ गरेको हो । यसैगरी काठमाडौं दक्षिणकाली नगरपालिका-५ फर्पिङ बसपार्कबाट नियन्त्रित लागूऔषध ट्रामाडोल ७२ हजार ८० ट्याब्लेट सहित बारा घर भएका २७ वर्षीय सुदिप पटेल र पर्सा घर भएका २७ वर्षीय सुनिल सहनी कात्तिक २ गते पक्राउ परे । विगत १५ दिनको अवधिमा अवैध लागूऔषध सहित पक्राउ पर्ने बुलबुल यादव लगायतका व्यक्तिहरू प्रतिनिधि पात्र मात्र हुन् । नेपाल प्रहरीले यस वर्षको दसैं (असोज २५ देखि कात्तिक ८ गते) को अवधिमा देशभरबाट २ सय ३९ जना लागूऔषध कारोबारमा संलग्न व्यक्तिहरूलाई पक्राउ गरेको छ । जसमध्ये लागूऔषध नियन्त्रण ब्यूरोबाट ३ जना, उपत्यकाबाट ४७ जना, कोशी प्रदेशबाट ३८ जना, मधेश प्रदेशबाट २४ जना, बागमती प्रदेशबाट २६ जना, गण्डकी प्रदेशबाट १२ जना, लुम्बिनी प्रदेशबाट ३९ जना, कर्णाली प्रदेशबाट १८ जना र सुदूरपश्चिम प्रदेशबाट ३२ जना पक्राउ परेका हुन् । पछिल्लो समयमा लागूऔषधको प्रयोग, ओसारपसार तथा कारोबार नियन्त्रणमा प्रहरीले विशेष अप्रेशन सञ्चालन गरी कार्य गरिरहेको छ । नेपाल प्रहरीका केन्द्रीय प्रहरी प्रवक्ता प्रहरी नायव महानिरीक्षक अबि नारायण काफ्ले भन्नुहुन्छ, ‘लागूऔषध जस्तो अन्तर्राष्ट्रिय समस्यालाई निराकरण गर्न नेपाल प्रहरी आक्रमक रूपमा प्रस्तुत भइरहेको छ । चाडपर्वको समयमा समेत लागूऔषध कारोबार हुने विभिन्न नाकाहरूमा सुक्ष्म रूपमा सूचना संलकनका साथै योजनावद्ध प्रभावकारी प्रहरी परिचालन गरी संलग्नलाई कानुनी दायरामा ल्याउन नेपाल प्रहरी थप सक्रिय भई कार्य गरिरहेको छ ।’सो अवधिमा अवैध लागूऔषध गाँजा २ हजार ८ सय ७९ किलो ६८९ ग्राम ६८ मिलिग्राम, चरेस करिब ३६ किलो, अफिम १ किलो ३१६ ग्राम ५२१ मिलिग्राम, हेरोइन १ किलो ७७ ग्राम ९१९ मिलिग्राम, कोकिन २७ ग्राम ६७८ मिलिग्राम तथा विभिन्न किसिमका नियन्त्रित लागूऔषध समेत प्रहरीले बरामद गरेको छ । विगत १५ दिनको अवधिमा विभिन्न अपराधमा संलग्न १ हजार ३ सय २७ जना पक्राउनेपाल प्रहरीले यस वर्षको दसैं (असोज २५ देखि कात्तिक ८ गते) को अवधिमा देशभरबाट १ हजार ३ सय २७ जना विभिन्न अपराधमा संलग्न व्यक्तिहरूलाई पक्राउ गरेको छ । जसमध्ये ब्यूरोहरूबाट ४ जना, उपत्यकाबाट २ सय ३० जना, कोशी प्रदेशबाट २ सय ४ जना, मधेश प्रदेशबाट २ सय ८९ जना, बागमती प्रदेशबाट १ सय जना, गण्डकी प्रदेशबाट ९१ जना, लुम्बिनी प्रदेशबाट २ सय ३ जना, कर्णाली प्रदेशबाट ६० जना र सुदूरपश्चिम प्रदेशबाट १ सय ४६ जना पक्राउ परेका हुन् । सो अवधिमा १ हजार ४ सय २२ वटा मुद्दा दर्ता भएका छन् । जसमध्ये ज्यान सम्बन्धी कसुर अन्तर्गत २ सय ६४, आत्महत्या सम्बन्धी १ सय २६, चोरी सम्बन्धी १ सय ५८, लागूऔषध सम्बन्धी २ सय ७, हातहतियार तथा विष्फोटक पदार्थ सम्बन्धी ८, अपहरण तथा शरिर बन्धक सम्बन्धी ३, आर्थिक अपराध सम्बन्धी ३९, चेक अनादर सम्बन्धी १ सय ८, सामाजिक अपराध सम्बन्धी २ सय ६१, महिला तथा बालबालिका सम्बन्धी १ सय २, सवारी सम्बन्धी १ सय २९, विद्युतीय कारोबार सम्बन्धी ७, लिखित सम्बन्धी ५ र नागरिकता सम्बन्धी कसुर अन्तर्गत ५ वटा मुद्दाहरू दर्ता भएका हुन् । गत वर्षको दसैंको अवधिमा ८ सय १ जना पक्राउ परेका थिए भने ९ सय ६० वटा मुद्दा दर्ता भएको थियो । आपराधिक गतिविधिमा संलग्न व्यक्तिहरूलाई कानुनी दायरामा ल्याउन नेपाल प्रहरी खरो रूपमा प्रस्तुत भइरहेको सन्दर्भमा सबै प्रहरी कार्यालयहरूले त्यस्ता गतिविधिमा संलग्नलाई नियन्त्रणमा लिने कार्यलाई प्राथमिकतामा राखी कार्य गरिरहेको छ । साथै प्रहरीले समुदाय-प्रहरी साझेदारी अन्तर्गत लागूऔषध उत्पादन, ओसारपसार र प्रयोगबाट सामाजिक तथा व्यक्तिगत जीवनमा पर्न जाने नकारात्मक असरहरूको बारेमा विभिन्न जनचेतनामूलक कार्यक्रमहरू समेत सञ्चालन गरिरहेको छ ।
[ विस्तृतमा ] -
अवैध लागूऔषध सहित विभिन्न स्थानबाट सात जना पक्राउ
२०८३-०७-११काठमाडौं, दक्षिणकाली नगरपालिका-५ फर्पिङबाट अवैध लागूऔषध खैरो हेरोइन जस्तो देखिने पदार्थ करिब ३ सय २२ ग्राम ३ सय मिलिग्राम सहित भारत बिहार भोजपुर घर भएका ३१ वर्षीय विवेक कुमारलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय फर्पिङबाट खटिएको प्रहरीले वीरगंजबाट काठमाडौंतर्फ आउँदै गरेको ना.१ ज २०२३ नम्बरको सुमोमा सवार उनलाई उक्त पदार्थ सहित फेला पारी पक्राउ गरेको हो । धनुषा, सबैला नगरपालिका-१३ किरतपुर बस्ने ४५ वर्षीया फुलो देवी ठाकुरलाई अवैध लागूऔषध गाँजा करिब २ किलो ७ सय ८० ग्राम सहित बुधबार बिहान प्रहरीले पक्राउ गरेको छ । इलाका प्रहरी कार्यालय सबैलाबाट खटिएको प्रहरीले फुलो देवीको घर तलासी गर्दा उक्त गाँजा फेला पारी उनलाई पक्राउ गरेको हो । झापा, झापा गाउँपालिका-१ सालमाराबाट अवैध लागूऔषध ब्राउनसुगर जस्तो देखिने पदार्थ १ सय ५० ग्राम १ सय ४० मिलिग्राम सहित २ जनालाई बुधबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३६ वर्षीय नसिम अक्तर मिया र ३० वर्षीय सलमान मिया रहेका छन् । लागूऔषध नियन्त्रण ब्यूरो शाखा कार्यालय काकँरभिट्टा समेतबाट खटिएको प्रहरीले भारतबाट नेपालतर्फ आउँदै गरेको बिआर ३७ एए ५३८० नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । सुर्खेत, वीरेन्द्रनगर नगरपालिका-६ पिपल चौताराबाट अवैध लागूऔषध ब्राउनसुगर जस्तो देखिने पदार्थ ४ सय मिलिग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३५ वर्षीय सुबिन सिंह र बाँके कोहलपुर नगरपालिका-२ बस्ने ३३ वर्षीय प्रसान्त मल्ल रहेका छन् । जिल्ला प्रहरी कार्यालय सुर्खेत समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । कञ्चनपुर, भीमदत्त नगरपालिका-४ बसपार्कस्थित न्यू खप्तड सैपाल होटलबाट अवैध लागूऔषध चरेस जस्तो देखिने पदार्थ ४ किलो ३ सय २४ ग्राम सहित बझाङ छबिसपाथीभेरा गाउँपालिका-६ बस्ने ३५ वर्षीय सुरेन्द्र बहादुर बुढालाई बुधबार बिहान प्रहरीले पक्राउ गरेको छ । सुदूरपश्चिम प्रदेश प्रहरी कार्यालय धनगढी कैलाली समेतबाट खटिएको प्रहरीले होटलको १०३ नम्बरको कोठा तलासी गर्दा उक्त पदार्थ फेला पारी उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
हाईलाईटहरु
- प्रहरी कल्याण कोषको मुद्दती निक्षेप लगानी सम्बन्धी सूचना
- उच्च शिक्षा छात्रवृत्ति (कक्षा ११/१२) र उच्च शिक्षा छात्रवृत्ति (स्नातक तह) सम्बन्धी सूचना
- प्रहरी सहायक निरीक्षक (जनपद) पदमा ORMS प्रणाली मार्फत तोकिएको समयमा आवेदन दिएका उम्मेदवारहरूले अपुग कागजात एवं विवरणहरू अद्यावधिक गर्ने सम्बन्धी सूचना (२०८३-०७-११)
- बाटो अवरुद्ध भएको सम्बन्धी :- मिति २०८३।०७।१२ गते १०:०० बजे सम्म ।
- निष्क्रिय प्रहरी कुकुर वितरण गर्ने सम्बन्धी सूचना (२०८३-०७-१०)
- प्रहरी सहायक निरीक्षक (जनपद) पदको लिखित परीक्षाको नतिजा प्रकाशन तथा विशेष स्वास्थ्य परीक्षण तालिका सम्बन्धी सूचना (२०८३-०६-३०)
- Amendment Notice (2083-06-30)
रिपोर्ट तथा प्रकाशन
अपराध तथ्याङ्क
नेपाल प्रहरी मोबाईल एप्स
Google Play र Apple app store मा उपलव्ध छ ।
