नेपाल प्रहरी

अमर प्रहरी स्मारकमा पुष्पहार अर्पण गर्नुहुँदै मा.गृह मन्त्री सुधन गुरुङज्यू । मितिः-२०८२।१२।१६ गते।

प्रहरी कर्मचारीहरूलाई निर्देशन सम्बोधन गर्नुहुँदै मा. गृह मन्त्री सुधन गुरुङज्यू । मितिः-२०८२।१२।१६ गते ।

नेपाल प्रहरी प्रधान कार्यालयको निरीक्षण तथा अवलोकन भ्रमणका क्रममा मा.गृह मन्त्री सुधन गुरुङज्यू । मितिः-२०८२।१२।१६ गते ।

चैते दशैं मौलो पूजाको अवसरमा निशान झण्डामा पञ्जा छाप लगाउनु हुँदै प्र.म.नि. दान बहादुर कार्की । मिति: २०८२।१२।१२ गते ।

मा.गृहमन्त्री ओमप्रकाश अर्यालज्यूबाट ने.प्र.प्र.का.मा Artificial intelligence & Advance Analytics Cell को उद्घाटन पश्चात् अवलोकन गर्नुहुँदै । मिति:-२०८२।११।११ गते ।

सैनिक कमाण्ड एण्ड स्टाफ तालिमका शिक्षक तथा शिक्षार्थी अधिकृतहरूको ने.प्र.प्र.का.मा अवलोकन भ्रमण कार्यक्रम । मिति:-२०८२।११।११ गते

मा.अर्थमन्त्री रामेश्वरप्रसाद खनालज्यूको प्रमुख आतिथ्यतामा ने.प्र.प्र.का.मा केन्द्रीय राजश्व चुहावट समितिको उच्च स्तरीय बैठक । मिति:-२०८२।११।११ गते

अपराध अनुसन्धान र शान्ति सुरक्षामा सञ्चार माध्यमको भूमिका विषयक अन्तरक्रिया कार्यक्रमको पानसमा दीप प्रज्वलन गरी समुद्घाटन गर्नुहुँदै प्रहरी महानिरीक्षक दान बहादुर कार्की । मिति:- २०८२।१०।२६ गते

“नेपाल प्रहरी रणनीतिक सम्मेलन, २०८२”को दीप प्रज्वलन गरी शुभारम्भ गर्नु हुँदै माननीय गृहमन्त्री ओम प्रकाश अर्यालज्यू । मिति :-२०८२।१०।२५ गते

प्राविधिकतर्फ पदोन्नति हुनुभएका वरिष्ठ प्रहरी अधिकृतज्यूहरुलाई दर्ज्यानी चिन्हद्वारा सुशोभन पश्चात् सामूहिक तस्विर । मिति :-२०८२।१०।२३ गते

सम्माननीय प्रधानमन्त्री सुशीला कार्कीज्यूको प्रमुख आतिथ्यमा प्रहरी निरीक्षक आधारभूत तालिम १-१८३औं (पोष्ट ग्र्याजुएट डिप्लोमा इन पुलिस साइन्स १४औं) समूहको दीक्षान्त समारोह पश्चात सामूहिक फोटो सेसन । मिति :- २०८२।१०।१९ गते

प्रहरी निरीक्षक आधारभुत तालिम १-१८३ औं समूहको सर्वप्रथम एवम् शारीरिक क्षमता तथा आत्मबल अभिवृद्धि प्रथम हुन सफल प्रशिक्षार्थी प्रहरी निरीक्षक निराजन बस्नेतलाई स्वर्गीय “कुलानन्द विद्या सर्वप्रथम पुरस्कार” प्रदान गर्नुहुँदै सम्माननीय प्रधानमन्त्री सुशीला कार्कीज्यू । मिति :- २०८२।१०।१९ गते

पर्यटक प्रहरी

बैण्ड बुकिङको लागि

Targeted Sanction List

ईमेल हेर्नुहोस्

नजिकका प्रहरी कार्यालयहरू

पहिचान नखुलेका शवहरूको र हराएका मानिसहरुको विवरणहरु

ताजा अपडेट

सबै हेर्नुहोस्

अन्य जानकारीहरु

विस्तृतमा

सार्वजनिक सुविधा

विस्तृतमा

चारित्रिक प्रमाणपत्र

नेपाल प्रहरीले बिभिन्न प्रयोजनका लागि चारित्रिक प्रमाणपत्र उपलब्ध गराई पाऊ भनी अनलाईन निवेदन दिने स्वदेशी तथा विदेशी नागरिकहरूलाई चारीत्रिक प्रमाणपत्र उपलब्ध गराउने गर्दछ ।

चालचलन प्रमाणपत्र सम्बन्धी थप जानकारी

Mission Statement

"कानुनी राज्यको मूल अवधारणाबाट निर्दिष्ट प्रभावकारी अपराध नियन्त्रण र अनुसन्धान एवं कानुन कार्यान्वयनद्धारा समाजमा शान्ति, सुव्यवस्था एवं सुरक्षा स्थापना गर्न प्रतिवद्ध, राष्ट्रप्रति समर्पित, स्वच्छ एवं व्यवसायिक प्रहरी"

दान बहादुर कार्की

प्रहरी महानिरीक्षक

प्र.ना.म.नि. अबि नारायण काफ्ले

केन्द्रीय प्रहरी प्रवक्ता

सम्पर्कः ०१-५७१९८०४ spokesperson@nepalpolice.gov.np

प्र.व.उ. दीप शम्सेर ज.ब.रा.

सह-प्रवक्ता तथा सूचना अधिकारी

spokesperson@nepalpolice.gov.np

प्रहरी महानिरीक्षक दान बहादुर कार्कीबाट प्रहरी कार्यालयहरूको मर्मत एवम् पुन:संभार कार्यमा सहयोग पुर्‍याउने व्यक्तित्वहरू सम्मानित

२०८२-१२-२७

काठमाडौं, प्रहरी महानिरीक्षक दान बहादुर कार्कीले जेन-जी आन्दोलन पश्चात प्रहरी कार्यालयहरूको मर्मत एवम् पुन:संभार कार्यमा सहयोग पुर्‍याउने Rotary President Action Group का पदाधिकारीहरूलाई सम्मान गर्नुभएको छ । प्रहरी महानिरीक्षक कार्कीले जिल्ला प्रहरी परिसर काठमाडौंमा शुक्रबार आयोजित विशेष समारोहमा रोटरी क्लबका पदाधिकारीहरूलाई कदरपत्र प्रदान गरी सम्मान गर्नुभएको हो । गत भदौ २३ र २४ गते भएका प्रदर्शनका क्रममा क्षति पुगेका काठमाडौं र ललितपुर जिल्लाका ९ वटा प्रहरी कार्यालय भवनहरूको पुन:संभार कार्यमा Rotary President Action Group को तर्फबाट प्राप्त निस्वार्थ एवम् सह्रानीय सहयोगको कदर स्वरूप उक्त सम्मान गरिएको हो । सो अवसरमा प्रहरी महानिरीक्षक कार्कीले जिल्ला प्रहरी परिसर काठमाडौंको कार्यालय परिसरमा वृक्षारोपण समेत गर्नुभएको थियो । समारोहमा प्रहरी महानिरीक्षक कार्कीले रोटरी क्लबले समाजको विभिन्न क्षेत्रहरूमा गरेको योगदानको प्रशंसा गर्दै क्लबले प्रहरी कार्यालयहरूको मर्मत एवम् पुन:संभारमा पुर्‍याएको योगदानले प्रहरी कर्मचारीहरूलाई अझ जनसेवामा समर्पित भई कार्य गर्न थप प्रेरणा प्राप्त भएको बताउनुभयो । प्रहरी पेशा मात्र नभई स्वार्थ रहित सेवा समेत भएको चर्चा गर्दै नागरिकको दु:ख, पीडा एवम् समस्यालाई धैर्यतापूर्वक सम्बोधन गर्दै सबैलाई विभेद रहित सेवा प्रवाह गर्न प्रहरी कर्मचारीहरू दत्तचित्त हुनुपर्ने उहाँले उल्लेख गर्नुभयो । प्रहरी महानिरीक्षक कार्कीले आपराधिक गतिविधिमा संलग्नलाई कानुनी दायरामा ल्याउन सके मात्र गैर कानुनी क्रियाकलाप गरे ढिलो चाँडो कानुनी दायरामा पुगिन्छ भन्ने सन्देश समाजमा प्रवाह भई समाजलाई अपराधमुक्त बनाउनुका साथै शान्त एवम् समृद्ध समाज निर्माणमा समेत सहयोग पुग्ने बताउनुभयो । नागरिकको साथ र सहयोगबाट नै प्रहरी आफ्नो व्यक्तिगत समस्याहरू बिर्सिएर समाजको लागि समर्पित हुन प्रेरित हुने उल्लेख गर्दै आगामी दिनमा समेत यस किसिमको साथ र सहयोगको निरन्तर अपेक्षा लिएको उहाँले बताउनुभयो । काठमाडौं उपत्यका प्रहरी कार्यालय रानीपोखरीका प्रमुख प्रहरी अतिरिक्त महानिरीक्षक ईश्वर कार्कीले धन्यवाद ज्ञापन गर्नुभएको उक्त कार्यक्रममा जिल्ला प्रहरी परिसर काठमाडौंका प्रमुख प्रहरी वरिष्ठ उपरीक्षक रमेश थापाले स्वागत मन्तव्य व्यक्त गर्नुभएको थियो । सो अवसरमा Rotary President Action Group का संयोजक राजाराम फुयाँलले प्रहरी कार्यालय भवन पुन:संभारमा Rotary President Action Group ले पुर्‍याएको सहयोग सम्बन्धी प्रस्तुतीकरण गर्नुभएको थियो भने District Governor Elect Of Rotary District Nepal का विष्णु बहादुर कार्कीले आफ्नो शुभकामना मन्तव्य व्यक्त गर्नुभएको थियो । कार्यक्रममा अवकाश प्राप्त प्रहरी अतिरिक्त महानिरीक्षक, प्रहरी नायव महानिरीक्षक, वरिष्ठ प्रहरी अधिकृतहरू, Rotary President Action Group का पदाधिकारीहरू लगायतको उपस्थिति रहेको थियो ।

अवैध लागूऔषध सहित विभिन्न स्थानबाट १५ जना पक्राउ
२०८३-०१-०८
काठमाडौं, गोकर्णेश्वर नगरपालिका-३ हेम्पाडाँडाबाट नियन्त्रित लागूऔषध डाईजेपाम ८ सय १४ एम्पुल, फेनारगन ५ सय ३२ एम्पुल, नोर्फिन ९ सय ४० एम्पुल र नगद ६८ हजार ५ सय रूपैयाँ सहित २ जनालाई शुक्रबार प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने काभ्रेपलाञ्चोक नमोबुद्ध नगरपालिका-९ घर भएका २३ वर्षीय मिङमार बम्जन र सिन्धुपाल्चोक ईन्द्रावती गाउँपालिका-१ घर भएकी १८ वर्षीया किशोरी रहेका छन् । काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरूको कोठाबाट उक्त लागूऔषध फेला पारी पक्राउ गरेको हो । उनीहरूलाई थप अनुसन्धान तथा आवश्यक कारबाहीको लागि जिल्ला प्रहरी परिसर काठमाडौं पठाइएको छ । यसैगरी काठमाडौं महानगरपालिका-६ चुच्चेपाटीबाट नियन्त्रित लागूऔषध फेनारगन ४० एम्पुल, ब्रुप्रेनोर्फिन ४७ एम्पुल र डाईजेपाम ३८ एम्पुल सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा ललितपुर बस्ने अर्घाखाँची घर भएका ३० वर्षीय अजय परियार र ३० वर्षीय निश्चल मानन्धर रहेका छन् । प्रहरी वृत्त बौद्धबाट खटिएको प्रहरीले बा.७० प ७६१२ नम्बरको स्कुटरमा सवार उनीहरूलाई उक्त लागूऔषध सहित फेला पारी पक्राउ गरेको हो । यसैगरी काठमाडौं महानगरपालिका-२९ बाट नियन्त्रित लागूऔषध डाईजेपाम २५ एम्पुल, नोर्फिन २५ एम्पुल र फेनारगन २५ एम्पुल सहित सोही महानगरपालिका-२९ मैतीदेवी बस्ने ३५ वर्षीय बिक्की लामालाई सोमबार दिउँसो प्रहरीले पक्राउ गरेको छ । उक्त स्थानमा खटिएको प्रहरीले उनलाई उक्त लागूऔषध सहित पक्राउ गरेको हो । मोरङ, रतुवामाई नगरपालिका-१ हटिया डाँडाबाट अवैध लागूऔषध ब्राउनसुगर जस्तो देखिने पदार्थ करिब ४ सय ७५ ग्राम ८ सय २० मिलिग्राम सहित सोही नगरपालिका-१ सोनापुर बस्ने २१ वर्षीय मो. आविद मियालाई सोमबार राति प्रहरीले पक्राउ गरेको छ । इलाका प्रहरी कार्यालय सिजुवाबाट खटिएको प्रहरीले भारतबाट नेपालतर्फ आउँदै गरेको बीआर ३८ एडि ५३९० नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ गरेको हो । मकवानपुर, मनहरी गाउँपालिका-९ च्यानडाँडाबाट अवैध लागूऔषध गाँजा १७ किलो ५ सय ४६ ग्राम सहित राक्सिराङ गाउँपालिका-२ बस्ने २३ वर्षीय सुबास मोक्तानलाई सोमबार साँझ प्रहरीले पक्राउ गरेको छ । इलाका प्रहरी कार्यालय मनहरीबाट खटिएको प्रहरीले भावरबाट खरंगातर्फ आउँदै गरेको बा.प्र.०३-००५ प ७०८० नम्बरको स्कुटरमा सवार उनलाई उक्त गाँजा सहित फेला पारी पक्राउ गरेको हो । चितवन, कालिका नगरपालिका-६ क्लब चोकबाट नियन्त्रित लागूऔषध ट्रामाडोल २ सय ६४ ट्याब्लेट र अवैध लागूऔषध गाँजा करिब ७ सय ५० ग्राम सहित २ जनालाई सोमबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३१ वर्षीय सुजित पाख्रिन र ३७ वर्षीय सुमन पाख्रिन रहेका छन् । प्रहरी चौकी जुटपानीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । बाँके, नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ ८ सय ९० मिलिग्राम र ट्रामाडोल ६० ट्याब्लेट सहित सल्यान शारदा नगरपालिका-७ बस्ने २३ वर्षीय भुवन रेउलेलाई सोमबार साँझ प्रहरीले पक्राउ गरेको छ । इलाका प्रहरी कार्यालय जमुनाह र लागूऔषध नियन्त्रण ब्यूरो शाखा कार्यालय नेपालगंजबाट खटिएको प्रहरीले भारतबाट नेपालतर्फ पैदल आउँदै गरेका उनलाई उक्त लागूऔषध सहित पक्राउ गरेको हो । दाङ, तुलसीपुर उपमहानगरपालिका-५ बसपार्कबाट अवैध लागूऔषध ब्राउनसुगर जस्तो देखिने पदार्थ १ ग्राम ३ सय ५० मिलिग्राम सहित शान्तिनगर गाउँपालिका-५ बस्ने २९ वर्षीय उद्धव शाहलाई सोमबार दिउँसो प्रहरीले पक्राउ गरेको छ । इलाका प्रहरी कार्यालय तुलसीपुरबाट खटिएको प्रहरीले उनलाई उक्त पदार्थ सहित फक्राउ गरेको हो । तनहुँ, ब्यास नगरपालिका-४ चुरेखोल्सीबाट नियन्त्रित लागूऔषध डाईजेपाम २२ एम्पुल, बुप्रेनोर्फिन १४ एम्पुल र फेनारगन १५ एम्पुल सहित ब्यास नगरपालिका-४ बस्ने १८ वर्षीय किशोरलाई सोमबार बेलुकी प्रहरीले पक्राउ गरेको छ । जिल्ला प्रहरी कार्यालय तनहुँबाट खटिएको प्रहरीले ग.१० प १६१ नम्बरको स्कुटरमा सवार उनलाई उक्त लागूऔषध सहित पक्राउ गरेको हो । सुनसरी, धरान उपमहानगरपालिका-१६ जोरसखुवा पुण्य मार्गबाट नियन्त्रित लागूऔषध ट्रामाडोल ३ हजार १ सय ट्याब्लेट र स्पास्पेन १४ हजार ५० ट्याब्लेट सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २० वर्षीय राहुल आचार्य र सोही उपमहानगरपालिका-११ गोदावरी चोक बस्ने १९ वर्षीय रोहित रिजाल रहेका छन् । कोशी प्रदेश प्रहरी कार्यालय विराटनगरबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । यसैगरी सुनसरी, धरान उपमहानगरपालिका-८ बरगाछीबाट अवैध लागूऔषध ब्राउनसुगर जस्तो देखिने पदार्थ ८ सय ३० मिलिग्राम सहित सोही उपमहानगरपालिका-१४ बस्ने ३५ वर्षीय निश्चल बस्नेतलाई सोमबार दिउँसो प्रहरीले पक्राउ गरेको छ । कोशी प्रदेश प्रहरी कार्यालय विराटनगरबाट खटिएको प्रहरीले को.८ प ६३८५ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
[ विस्तृतमा ]
वैदेशिक रोजगारीमा विभिन्न देश पठाइदिन्छु भन्दै ठगी गर्ने चार जना पक्राउ
२०८३-०१-०८
काठमाडौं, वैदेशिक रोजगारीमा आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको अभियोगमा ४ जनालाई प्रहरीले पक्राउ गरेको छ ।पक्राउ पर्नेहरूमा काठमाडौं बुढानिलकण्ठ नगरपालिका-१३ बस्ने रौतहट बौधीमाई नगरपालिका-७ घर भएका २५ वर्षीय मिथिलेश कुशवाहा, काठमाडौं महानगरपालिका-३२ बस्ने भोजपुर, भोजपुर नगरपालिका-७ घर भएका ४४ वर्षीय केदार बहादुर भण्डारी, भक्तपुर मध्यपुर थिमी नगरपालिका-१ बस्ने सप्तरी सुरूङ्गा नगरपालिका-५ घर भएका ५३ वर्षीय राम तुला मिया र ललितपुर महालक्ष्मी नगरपालिका-३ बस्ने भक्तपुर सूर्यविनायक नगरपालिका-७ घर भएकी ५५ वर्षीया सुनिता खत्री रहेका छन् ।पक्राउ मध्ये मिथिलेशले कुवेत पठाइदिन्छु भन्दै १ जना पीडितबाट ३ लाख ५० हजार रूपैयाँ, केदार बहादुरले पोर्चुगल पठाइदिन्छु भन्दै १ जना पीडितबाट १ लाख २५ हजार रूपैयाँ तथा राम तुला र सुनिताले अल्बानिया पठाइदिन्छु भन्दै १ जना पीडितबाट ३ लाख ५० हजार रूपैयाँ लिई सम्पर्कविहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले केदार बहादुरलाई काठमाडौं महानगरपालिका-१३ बाट सोमबार, मिथिलेशलाई काठमाडौं महानगरपालिका-१२ बाट आइतबार तथा राम तुला र सुनितालाई भक्तपुर मध्यपुर थिमी नगरपालिका-१ बाट शनिबार पक्राउ गरेको हो । उनीहरूलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।
[ विस्तृतमा ]
सामाजिक संजालमा धम्कीपूर्ण अभिव्यक्ति दिने व्यक्ति पक्राउ
२०८३-०१-०८
काठमाडौं, सामाजिक संजालमा धम्कीपूर्ण अभिव्यक्ति दिने कार्यमा संलग्न रहेको अभियोगमा बझाङ थलरा गाउँपालिका-४ मयल ठेगाना भएका २० वर्षीय सानु भाइ भन्ने साजन बिष्टलाई शनिबार प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौं महानगरपालिका-९ सिनामंगलबाट पक्राउ गरेको हो । प्रारम्भिक अनुसन्धानको क्रममा बिष्टले आफ्नो फेसबुक आइडी सानू भाइ नामक एकाउन्टबाट पुर्व प्रधानमन्त्री केपी ओली, पुर्व गृहमन्त्री रमेश लेखक, पुर्व मन्त्री दिपक खड्कालाई तुरून्त रिहा गर अन्यथा प्रधानमन्त्री तथा गृहमन्त्रीलाई गोली हान्न टिम बाध्य हुने छ जसका लागि एके-४७ जस्ता अत्याधुनिक हतियारहरू काठमाडौंमा भित्रिसकेको छ भनि पोष्ट गरी सर्वसाधारण जनमानसमा त्रास फैलाउने र आफुले भनेका कुराहरू नमानेमा हालको प्रधानमन्त्री तथा गृहमन्त्रीलाई ज्यान मार्ने धम्कीपूर्ण भिडियो समेत सार्वजनिक गरेको खुल्न आएको छ । उनलाई विद्युतिय कारोबार ऐन, २०६३ को दफा ४७ बमोजिमको कसुरमा थप अनुसन्धान तथा आवश्यक कारबाहीको लागि साइबर ब्यूरो भोटाहिटी पठाइएको छ ।
[ विस्तृतमा ]

विस्तृतमा

प्रकाशित मिति	शीर्षक	कार्यहरु
२०८३-०१-०७	निष्क्रिय प्रहरी कुुकुर स्वीकारकर्ता छनौट गरिएको सम्बन्धी सुचना
२०८३-०१-०७	बाटो अवरुद्ध भएको सम्बन्धी :- मिति २०८३।०१।०८ गते ६:०० बजे सम्म ।
२०८३-०१-०४	प्रहरी कल्याण कोषको मुद्दती निक्षेप लगानी सम्बन्धी सूचना
२०८३-०१-०३	प्राविधिक प्रहरी नायव निरीक्षक (स्टाफ नर्स) र प्राविधिक प्रहरी जवान (सञ्चार) पदहरूको वैकल्पिक उम्मेदवार नियुक्‍ति सम्बन्धी सूचना (२०८३-०१-०३)
२०८३-०१-०२	प्रहरी जवान (जनपद) र प्रहरी कार्यालय सहयोगी (भान्छे) पदहरूको वैकल्पिक उम्मेदवार नियुक्‍ति सम्बन्धी सूचना (२०८३-०१-०२)
२०८२-१२-३०	संगठन प्रमुख श्रीमान् प्रहरी महानिरीक्षक दान बहादुर कार्कीज्यूले नयाँ वर्ष २०८३ को उपलक्ष्यमा दिनु भएको शुभ कामना सन्देश ।

विस्तृतमा

प्रकाशित मिति	शीर्षक	कार्यहरु
२०८२-१२-२०	जनपद प्रहरी समूहतर्फको प्रहरी जवान पदको माग पद संख्या थप गरिएको सम्बन्धी सूचना (२०८२-१२-२०) ।
२०८२-१२-२०	प्राविधिक प्रहरी समूह अन्तर्गत विभिन्न उपसमूहतर्फ रिक्त प्रा.प्र.ना.उ.,प्रा.प्र.नि.,प्रा.प्र.ना.नि.,प्रा.प्र.स.नि. र प्रा.प्र.ज. पदहरूको विज्ञापन प्रकाशन सम्बन्धी सूचना (२०८२-१२-२०) ।
२०८२-१२-२०	दरखास्त फाराम (२०८२-१२-२०)
२०८२-०८-२५	जनपद प्रहरी समूहतर्फ प्रहरी निरीक्षक र प्रहरी सहायक निरीक्षक पदहरूको विज्ञापन प्रकाशन सम्बन्धी सूचना (२०८२-०८-२६)
२०८२-०६-१०	जनपद प्रहरी समूहतर्फ प्रहरी जवान र प्रहरी कार्यालय सहयोगी पदहरूको विज्ञापन प्रकाशन सम्बन्धी सूचना (२०८२-०६-१०)
२०८२-०६-१०	दरखास्त फाराम (२०८२-०६-१०)