विभिन्न हातहतियार सहित पक्राउ

२०७९-०५-०६

A
A^-
A⁺

मोरङ, सुनवर्षी नगरपालिका-८ खडेबारीबाट अटोमेटिक चाईनिज पेस्तोल १ थान, म्याग्जिन १ थान, ७.०५ एमएम राउण्ड १ थान र सिक्सर पेस्तोल १ थान सहित सोही नगरपालिका-८ हरिचन्द्रगढी बस्ने २९ वर्षीय आरिफ मियाँ आइतबार साँझ पक्राउ परेका छन् ।

सशस्त्र प्रहरी बल नेपाल बोर्डर आउट पोष्ट सिक्टीबाट खटिएको टोलीले को.२७ प ४०६ नम्बरको मोटरसाइकललाई जाँच गर्ने क्रममा आरिफलाई कम्मरमा लुकाई ल्याएको उक्त हतियारसहित फेला पारी पक्राउ गरेको हो । साथै थप सोधपुछको क्रममा ती हतियारहरू उर्लाबारी नगरपालिका-६ तरुण टोल बस्ने २९ वर्षीय नबिन धिमालले मगाएको खुल्न आएपछि प्रहरी चौकी सिक्टीबाट खटिएको प्रहरीले उनलाई रतुवामाई नगरपालिका-८ डाम्राभिट्टाबाट पक्राउ गरेको हो । उनको साथबाट प्रहरीले नगद ४७ हजार ७ सय ७० रूपैयाँ समेत बरामद गरेको छ ।

यस सम्बन्धमा प्रहरीले थप अनुसन्धान गरिरहेको छ ।

सम्बन्धित समाचार

भरूवा बन्दुक सहित एक जना पक्राउ

२०८२-११-०४

काभ्रे, पनौती नगरपालिका-६ गणेशथान बस्ने ४६ वर्षीया सुनिता श्रेष्ठलाई भरूवा बन्दुक १ थान सहित आइतबार दिउँसो प्रहरीले पक्राउ गरेको छ । प्रहरी चौकी पनौतीबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

पेस्तोल सहित एक जना पक्राउ

२०८२-११-०१

काठमाडौं, चन्द्रागिरी नगरपालिका-२ नागढुङ्गाबाट मेड इन युएसए लेखिएको पेस्तोल १ थान र गोली ४ राउण्ड सहित कीर्तिपुर नगरपालिका-२ बस्ने ३० वर्षीय केयुर पुरीलाई शुक्रबार बिहान प्रहरीले पक्राउ गरेको छ । प्रहरी प्रभाग नागढुङ्गाबाट खटिएको प्रहरीले चितवनबाट काठमाडौंतर्फ आउँदै गरेको बा.१९ च ६९० नम्बरको कार तलासी गर्दा उक्त पेस्तोल फेला पारी कारमा सवार उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

पेस्तोल सहित दुई जना पक्राउ

२०८२-१०-२७

मोरङ, सुन्दरहरैँचा नगरपालिका-२ बेलडाँगी बस्ने २८ वर्षीय सिलास लिम्बुलाई मेड इन युएसए लेखिएको पेस्तोल १ थान, हेण्डसेट २ थान र भरूवा बन्दुक जस्तो देखिने काठको हतियार १ थान सहित सोमबार साँझ प्रहरीले पक्राउ गरेको छ । इलाका प्रहरी कार्यालय बेलबारीबाट खटिएको प्रहरीले उनको घर तलासी गर्दा उक्त हतियार फेला पारी पक्राउ गरेको हो । थप अनुसन्धानको क्रममा उक्त हतियार तथा हेण्डसेट सोही नगरपालिका-३ बस्ने प्रेम बहादुर गुरूङसँग लिएको भन्ने खुल्न आएपश्चात प्रहरीले प्रेम बहादुरलाई समेत पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

एकनाले भरूवा बन्दुक सहित दुई जना पक्राउ

२०८२-१०-१४

स्याङ्जा, विरूवा गाउँपालिका-२ झागाडीबाट एकनाले भरूवा भन्दुक ३ थान, बारूद ४ सय ८० ग्राम, छर्रा १ सय ३५ थान र भरूवा बन्दुकमा प्रयोग हुने अन्य सरसामानहरू सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा ६६ वर्षीय रोम बहादुर राना र ६९ वर्षीय बिर बहादुर थापा रहेका छन् । जिल्ला प्रहरी कार्यालय स्याङ्जा समेतबाट खटिएको प्रहरीले उनीहरूलाई उक्त बन्दुक सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भरूवा बन्दुक सहित एक जना पक्राउ

२०८२-१०-११

प्युठान, मल्लरानी गाउँपालिका-२ मधुगैराबाट एकनाले भरूवा बन्दुक १ थान सहित सोही ठाउँ बस्ने ५८ वर्षीय डानक बहादुर सार्कीलाई शनिबार राति प्रहरीले पक्राउ गरेको छ । प्रहरी चौली चुजाठाँटीबाट खटिएको प्रहरीले उनको घर नजिकै तोरीको कुनिऊमा लुकाई छिपाई गरी राखेको अवस्थामा उक्त बन्दुक फेला पारी उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

भरूवा बन्दुक सहित एक जना पक्राउ

२०८२-१०-०९

पर्सा, पर्सागढी नगरपालिका-१ कोईलाभार गाउँबाट भरूवा बन्दुक १ थान र सोही बन्दुकमा प्रयोग हुने गोली १३ थान सहित सोही ठाउँ बस्ने ३८ वर्षीय जयनारायण खवासलाई बिहीबार राति प्रहरीले पक्राउ गरेको छ । अस्थायी प्रहरी पोष्ट मनवाबाट खटिएको प्रहरीले उनलाई उक्त बन्दुक र गोली सहित पक्राउ गरेको हो । यस सम्बन्धमा आवश्यक अनुसन्धान गरिरहेको छ ।