धनुषा, गणेशमान चारनाथ नगरपालिका-४ चारनाथ खोलाबाट १ थान भरूवा बन्दुक सहित सोही नगरपालिका-५ औलेनी बस्ने ३२ वर्षीय गणेश बहादुर बुढाथोकीलाई सोमबार राति प्रहरीले पक्राउ गरेको छ । 

प्रहरी चौकी पोर्ताहाबाट खटिएको गस्ती प्रहरी उक्त स्थानमा पुग्दा ४/५ जनाको संख्यामा रहेका अपरिचित व्यक्तिहरूमध्ये बुढाथोकीलाई उक्त बन्दुक सहित फेला पारी नियन्त्रणमा लिएको हो । 

हाल फरार अन्य व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।