ईलाम, सूर्योदय नगरपालिका-१४ भुटेनी टोल बस्ने २६  वर्षीय राम बहादुर योङहाङलाई १ थान भरुवा बन्दुक र २ वटा फलामको डल्लो सहित बिहीबार साँझ प्रहरीले पक्राउ गरेको छ । 

उनको घरमा राखेको भरुवा बन्दुक लिई आफ्नै बुबालाई  कुटपिट गरी मार्छु भन्दै पड्काउन खोज्दा नपड्केको भन्ने खबर प्राप्त हुनासाथ अस्थाई प्रहरी पोष्ट कटुसेबाट खटिएको प्रहरीले उक्त बन्दुक सहित फेला पारी उनलाई पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।