काठमाडौं, जबरजस्ती करणी मुद्दाका फरार प्रतिवादी चितवन भरतपुर महानगरपालिका-१० बस्ने ३५ वर्षीय अमित पौडेल र भरतपुर महानगरपालिका-२७ बस्ने ५५ वर्षीय प्रेम बहादुर गुरूङलाई बिहीबार प्रहरीले पक्राउ गरेको छ । 

जबरजस्ती करणी मुद्दामा अमितलाई जिल्ला अदालत चितवनको २०६६ असार ३१ गतेको फैसलाले ५ वर्ष कैद र प्रेम बहादुरलाई जिल्ला अदालत चितवनको २०७४ माघ २२ गतेको फैसलाले ४ वर्ष कैद ठहर भई फरार रहेका उनीहरूलाई केन्द्रीय अनुसन्धान व्यूरो महाराजगंजबाट खटिएको प्रहरीले चितवन भरतपुरबाट पक्राउ गरेको हो । 

पौडेलले २०६५ असार ११ गतेको दिउँसो ८ वर्षीया बालिकालाई ललाई फकाई उनकै घरमा जबरजस्ती करणी गरेको घटनामा र प्रेम बहादुरले २०७२ चैत ४ गते साँझ एक महिलालाई नारायण नगरपालिका-१ स्थित एक होटल पछाडी ललाई फकाई जबरजस्ती करणी गरेको घटनामा अदालतले उक्त फैसला गरेको थियो । 

उनीहरूलाई फैसला कार्यान्वयनका लागि जिल्ला अदालत चितवनमा पेश गरिएकोमा अदालतको आदेशले कैद भुक्तानका लागि कारागार कार्यालय चितनव पठाइएको छ ।