सप्तरी,शम्भुनाथ नगरपालिका-३ स्थित सडकबाट ALETIAHAD GOLD DUBAI-UAE 1 KILO GOLD 999.9 MELTER ASSAYER D010478 लेखिएको सुन जस्तो देखिने पहेलो धातु सहित कैलाली गोदावरी नगरपालिका-३ बस्ने ३१ वर्षीय बसन्त पाललाई बिहीबार राति प्रहरीले पक्राउ गरेको छ । 

ईलाका प्रहरी कार्यालय कल्याणपुर र प्रहरी चौकी कठौनाबाट खटिएको टोलीले उक्त सडक छेउमा रोकी राखेको बिएए ३१६४ नम्बरको कारलाई जाँच गर्न खोज्दा कारमा सवार ४/५ जना व्यक्ति फरार भएकोमा कार चालक पाललाई नियन्त्रणमा लिई तलासी गर्दा कारको डयासबोर्डको डिकीमा उक्त धातु फेला परेको हो । 

हाल फरार व्यक्तिहरूको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।