बर्दिया, ज्यान मार्ने उद्योग मुद्दाका फरार प्रतिवादी राजापुर नगरपालिका-४ बस्ने रईस अहमद सिद्धिकीलाई बिहीबार प्रहरीले पक्राउ गरेको छ ।

जिल्ला अदालत गुलरियाको २०७९ असार २९ गतेको फैसलाले ज्यान मार्ने उद्योग मुद्दामा ७ वर्ष ११ महिना ५  दिन कैद र १ लाख रुपैयाँ जरिवना ठहर भई फरार रहेका उनलाई ईलाका प्रहरी कार्यालय राजापुरबाट खटिएको प्रहरीले उनकै घर वतनमा लुकिछिपी बसेको अवस्थामा फेला पारी पक्राउ गरेको हो । 

उनलाई फैसला कार्यान्वयनको लागि जिल्ला अदालत गुलरियामा पेश गरिएकोमा अदालतको आदेशले कैद भुक्तानका लागि कारागार कार्यालय बर्दिया पठाइएको छ ।