अवैध लागूऔषधसहित पक्राउ
२०८०-०२-२८
- A
- A-
- A+
काठमाडौं, कैलाली, कैलारी गाउँपालिका-७ बसन्ताबाट अवैध लागूऔषध खैरो हेरोइन ३८ ग्राम ४ सय ८० मिलिग्रामसहित सोही गाउँपालिका-७ बस्ने ५४ वर्षीय सुकानु चौधरीलाई शनिबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो नेपालगंज र ईलाका प्रहरी कार्यालय हसुलियाबाट खटिएको प्रहरीले रामपुरबाट हसुलियातर्फ आउँदै गरेको से.७ प २५०४ नम्बरको स्कुटरलाई जाँच गर्ने क्रममा उक्त लागूऔषधसहित फेला पारी उनलाई पक्राउ गरेको हो ।
यसैगरी कैलाली, धनगढी उपमहानगरपालिका-२ त्रिनगर ब्यारेलबाट अवैध लागूऔषध ब्राउनसुगर १ सय ६० मिलिग्रामसहित कञ्चनपुर पुनर्वास नगरपालिका-११ बस्ने ४२ वर्षीय विक्रम सुवाललाई शनिबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उक्त ब्राउन सुगरसहित फेला पारी उनलाई पक्राउ गरेको हो ।
यसैगरी, कैलाली, टिकापुर नगरपालिका-४ अस्नेरी बस्ने १५ वर्षीय किशोर र सोही नगरपालिका-२ अस्नेरी बस्ने २३ वर्षीय गणेश कार्कीलाई अवैध लागूऔषध खैरो हेरोइन जस्तो देखिने पदार्थ ६० मिलिग्रामसहित शनिबार साँझ प्रहरीले पक्राउ गरेको छ । १५ वर्षीय किशोरको घरमा लागूऔषधको कारोबार भइरहेको भन्ने खबर प्राप्त हुनासाथ ईलाका प्रहरी कार्यालय टिकापुरबाट खटिएको प्रहरीले घर तालसी गर्ने क्रममा कोठामा लुकाई राखेको उक्त पदार्थ सहित फेला पारी पक्राउ गरेको हो ।
उदयपुर, बेलका नगरपालिका-८ कोठुस्थित चतारा पुलबाट अवैध लागूऔषध खैरो हेरोइन १ ग्राम ३ सय २० मिलिग्रामसहित सुनसरी रामधुनीभासी नगरपालिका-४ बस्ने ३७ वर्षीय हिरा साहलाई शनिबार दिउँसो प्रहरीले पक्राउ गरेको छ । ईलाका प्रहरी कार्यालय रामपुरठोक्सिला र अस्थाई प्रहरी पोष्ट कोठुबाट खटिएको प्रहरीले को.३१ प ६८१८ नम्बरको मोटरसाइकलले पदैलयात्रीलाई ठक्कर दिई उद्दार गर्ने क्रममा चालकलाई जाँच गर्दा उक्त खैरो हेरोइनसहित फेला पारी उनलाई पक्राउ गरेको हो । सुर्खेत, वीरेन्द्रनगर नगरपालिका-६ मंगलगढी चोकस्थित हार्दिक होटलबाट अवैध लागूऔषध ब्राउनसुगर जस्तो देखिने पदार्थ ८ ग्राम, ३ हजार नेपाली रूपैयाँ, २ हजार ६ सय भारतीय रूपैयाँसहित कालिकोट सन्नीत्रिवेणी गाउँपालिका-३ बस्ने ३० वर्षीय अर्जुन देवकोटा र बाँके नेपालगंज उपमहानगरपालिका-११ बस्ने २४ वर्षीय खिरोज खानलाई शनिबार साँझ प्रहरीले पक्राउ गरेको छ । जिल्ला प्रहरी कार्यालय सुर्खेतबाट खटिएको प्रहरीले जाँच गर्ने क्रममा उक्त पदार्थसहित उनीहरूलाई पक्राउ गरेको हो । थप अनुसन्धानको क्रममा वीरेन्द्रनगर नगरपालिका-३ माया कर्णाली होटलको कोठा नम्बर १०२ बाट बाँके नेपालगंज उपमहानगरपालिका-१८ बस्ने २३ वर्षीया सारदा सिंहलाई अवैध लागूऔषध ब्राउनसुगर ११ ग्राम ८ सय २० मिलिग्रामसहित प्रहरीले पक्राउ गरेको हो ।
झापा, मेचिनगर नगरपालिका-१२ स्थित कालिझोडा जंगलबाट अवैध लागूऔषध खैरो हेरोइन ५० मिलिग्रामसहित बिर्तामोड नगरपालिका-७ मिया बस्ती बस्ने १९ वर्षीय महमद आरिफलाई शनिबार दिउँसो प्रहरीले पक्राउ गरेको छ । उक्त जंगलमा लागूऔषध खैरो हेरोइनको कारोबार भईरहेको भन्ने सूचनाको आधारमा प्रहरी चौकी चारआलिबाट खटिएको प्रहरीले जाँच गर्दा उक्त खैरो हेरोइनसहित उनलाई पक्राउ गरेको हो । थप अनुसन्धानको क्रममा उक्त लागूऔषधको कारोबारमा संलग्न अर्जुनधारा नगरपालिका-११ स्टाफ चौक बस्ने २० वर्षीय प्रदिप दर्जीलाई लागूऔषध ब्राउनसुगर १ ग्राम ५ सय मिलिग्राम, मेचीनगर नगरपालिका-१३ बस्ने २८ वर्षीय धन बहादुर महतारा र बिर्तामोड नगरपालिका-१० सैनिक बजार बस्ने २४ वर्षीय सन्दिप लाम्गादेलाई लागूऔषध ब्राउनसुगर ८ सय मिलिग्राम र भारत दार्जिलिङ खोरिवारी ठाना बस्ने ३२ वर्षीय राजेन्द्र बर्मनलाई अवैध लागूऔषध ब्राउनसुगर १० ग्राम र नगद २७ हजार ५० रूपैयाँसहित प्रहरील पक्राउ गरेको हो ।
धनकुटा, साँगुरीगढी गाउँपालिका-७ फेदीबाट अवैध लागूऔषध गाँजा करिब २ केजी ५ ग्रामसहित महालक्ष्मी नगरपालिका-४ चानुवा घर भई झापा कमल गाउँपालिका-१ बस्ने ५१ वर्षीय मिन कुमार अधिकारीलाई शनिबार दिउँसो प्रहरीले पक्राउ गरेको छ । प्रहरी चौकी मुलघाटबाट खटिएको प्रहरीले को.१ ख ७८८६ नम्बरको बसलाई जाँच गर्ने क्रममा उक्त गाँजासहित फेला पारी उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।