रूपन्देही, बुटवल उपमहानगरपालिका-२ मैनाबर डेरा गरी बस्ने कंचन गाउँपालिका-४ रुद्रपुर घर भएकी ४० वर्षीया सूर्य कुमारी बिकलाई नियन्त्रित लागूऔषध डाईजेपाम, फेनारगन, उफिन ९/९ एम्पुल्स, सिरिन्ज ३३ वटा  र नगद ९० हजार २ सय ३० रूपैयाँ सहित आइतबार बिहान प्रहरीले पक्राउ गरेको छ । उनले अवैध लागूऔषधको कारोबार गर्दै छन् गरेको भन्ने खबर प्राप्त हुनासाथ प्रहरी बिट जितगढिकिल्लाबाट खटिएको प्रहरीले उक्त लागूऔषधसहित उनलाई पक्राउ गरेको हो । 

बाँके, नेपालगंज उपमहानगरपालिका-१५ जमुनाहबाट अवैध लागूऔषध खैरो हेरोइन जस्तो देखिने पदार्थ करिब ३ ग्राम ५ सय मिलिग्राम र २२ हजार रुपैयाँसहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा रुपन्देही बुटवल उपमहानगरपालिका-१३ मैनाबगर बस्ने ३५ वर्षीय अबयुद्ध सुनुवार र सोही उपमहानगरपालिका-३ पुलचोक बस्ने २७ वर्षीय अजय श्रेष्ठ रहेका छन् । ईलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ पैदल आउँदै गरेका उनीहरूलाई जाँच गर्ने क्रममा उक्त लागूऔषधसहित फेला पारी पक्राउ गरेको हो । 

दुवै घटनाका सम्बन्धमा प्रहरीले थप अनुसन्धान गरिरहेको छ ।