अवैध लागूऔषधसहित तीन जना पक्राउ
२०८१-०२-२४
- A
- A-
- A+
दाङ, राप्ती गाउँपालिका-२ कटेजनालाबाट अवैध लागूऔषध ब्राउन सुगर जस्तो देखिने पदार्थ १ सय ६० मिलिग्रामसहित सोही गाउँपालिका-१ बस्ने ३२ वर्षीय नबाफ सरिक समेत २ जनालाई बिहीबार बिहान प्रहरीले पक्राउ गरेको छ । लागूऔषध कारोबार भइरहेको भन्ने सूचनाको आधारमा इलाका प्रहरी कार्यालय भालुबाङबाट खटिएको प्रहरीले उनीहरूलाई उक्त पदार्थसहित पक्राउ गरेको हो ।
सिरहा, सिरहा नगरपालिका-१२ सारश्वरको कमलाबाधबाट कल्याणपुर नगरपालिका-१० करुणयाही टोल बस्ने २२ वर्षीय शम्भु पासवानलाई अवैध लागूऔषध ब्राउनसुगर जस्तो देखिने पदार्थ ४ सय ७० मिलिग्राम र सोहीठाउँ बस्ने १९ वर्षीय अबि कुमार पासवानलाई अवैध लागूऔषध गाँजा ५ ग्राम १ सय ७० मिलिग्रामसहित बिहीबार दिउँसो प्रहरीले पक्राउ गरेको छ । प्रदेश २-०१-००२ प २३९२ नम्बरको मोटरसाइकलमा सवार उनीहरूलाई प्रहरी चौकी बेल्हाबाट खटिएको प्रहरीले पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।