नागरिकता सम्बन्धी कसुरमा संलग्न व्यक्ति पक्राउ
२०८१-१०-०९
- A
- A-
- A+
काठमाडौं, नागरिकता सम्बन्धी कसुरमा संलग्न रहेको अभियोगमा चितवन भरतपुर महानगरपालिका-१४ घर भई काठमाडौं महानगरपालिका-९ सिनामंगल बस्ने ४९ वर्षीय शिव बहादुर बिष्टलाई सोमबार साँझ प्रहरीले पक्राउ गरेको छ ।
जिल्ला अदालत चितवनबाट नागरिकता सम्बन्धी कसुरमा पक्राउ अनुमति जारी भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं दरबारमार्गबाट पक्राउ गरेको हो ।
उनलाई आवश्यक अनुसन्धान तथा कारवाहीको लागि जिल्ला प्रहरी कार्यालय चितवन पठाइएको छ ।