चितवन, माडी नगरपालिका-१ बनकट्टाबाट नियन्त्रित लागूऔषध ट्रामाडोल ५० ट्याब्लेट सहित सोही नगरपालिका-६ कल्याणपुर बस्ने दार्चुला घर भएका २९ वर्षीय सुरेन्द्र सिंह कार्कीलाई सोमबार दिउँसो प्रहरीले पक्राउ गरेको छ । इलाका प्रहरी कार्यालय माडीबाट खटिएको प्रहरीले उनलाई उक्त लागूऔषध सहित पक्राउ गरेको हो । 

यसैगरी चितवन, खैरहनी नगरपालिका-९ पिपरा बस्ने २१ वर्षीय अर्जुन घलानलाई नियन्त्रित लागूऔषध ट्रामाडोल ४ सय ४५ ट्याब्लेट सहित सोमबार साँझ प्रहरीले पक्राउ गरेको छ । इलाका प्रहरी कार्यालय खैरहनीबाट खटिएको प्रहरीले उनको घर तलासी गर्दा उक्त लागूऔषध फेला पारी पक्राउ गरेको हो । 

यसैगरी चितवन, कालिका नगरपालिका-४ छिमेकी टोलबाट अवैध लागूऔषध गाँजा करिब ३ किलोग्राम सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा भरतपुर महानगरपालिका-१० बस्ने ४६ वर्षीय बसन्तराज गोतामे र इच्छाकामना गाउँपालिका-१ बस्ने ५० वर्षीय तिलकराज गिरी रहेका छन् । प्रहरी चौकी जुटपानीबाट खटिएको प्रहरीले प्रदेश ३-०३-००२ प २८८३ नम्बरको मोटरसाइकलमा सवार उनीहरूलाई उक्त गाँजा सहित पक्राउ गरेको   हो । 

कञ्चनपुर, बेलौरी नगरपालिका-१० बाट अवैध लागूऔषध खैरो हेरोइन जस्तो देखिने पदार्थ १ ग्राम ५ सय ९० मिलिग्राम सहित बझाङ जयपृथ्वी नगरपालिका-३ बस्ने २६ वर्षीय दिनेश बिष्टलाई सोमबार साँझ प्रहरीले पक्राउ गरेको छ । इलाका प्रहरी कार्यालय बेलडाँडी समेतबाट खटिएको प्रहरीले भारतबाट नेपालतर्फ आउँदै गरेको बा.७८ प ६७५९ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो । 

यसैगरी कञ्चनपुर, भीमदत्त नगरपालिका-११ बाट अवैध लागूऔषध ब्राउनसुगर जस्तो देखिने पदार्थ ३ ग्राम ६ सय १० मिलिग्राम सहित सोही नगरपालिका-१० तिल्केनीटोल बस्ने २३ वर्षीया ऐश्वर्या बिष्टलाई सोमबार साँझ प्रहरीले पक्राउ गरेको छ । इलाका प्रहरी कार्यालय गड्डाचौकी र लागूऔषध नियन्त्रण ब्यूरो शाखा कार्यालय महेन्द्रनगरबाट खटिएको प्रहरीले उनलाई उक्त पदार्थ सहित पक्राउ गरेको हो । 

यसैगरी कञ्चनपुर, बेलौरी नगरपालिका-१० सडकघाटबाट अवैध लागूऔषध खैरो हेरोइन जस्तो देखिने पदार्थ ५ सय ३० मिलिग्राम सहित २ जनालाई सोमबार साँझ प्रहरीले पक्राउ गरेको छ । पक्राउ पर्नेहरूमा सोही नगरपालिका-७ बस्ने २० वर्षीय अमित राना र २० वर्षीय समिर चौधरी रहेका छन् । इलाका प्रहरी कार्यालय बेलडाँडी र प्रहरी चौकी भुडाँबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

कैलाली, धनगढी उपमहानगरपालिका-१० सिमलघाटबाट अवैध लागूऔषध ब्राउनसुगर जस्तो देखिने पदार्थ २ ग्राम २ सय १० मिलिग्राम सहित सोही ठाउँ बस्ने २४ वर्षीय राम नारायण रानालाई सोमबार राति प्रहरीले पक्राउ गरेको छ । अस्थायी प्रहरी पोष्ट जुगेडा समेतबाट खटिएको प्रहरीले उनलाई उक्त पदार्थ सहित पक्राउ गरेको हो । 

सुनसरी, धरान उपमहानगरपालिका-१४ गणेश टोलबाट नियन्त्रित लागूऔषध ट्रामाडोल ३ सय १८ ट्याब्लेट र स्पास्पेन २ सय ८९ ट्याब्लेट सहित सोही ठाउँ बस्ने १६ वर्षीय किशोरलाई सोमबार राति प्रहरीले पक्राउ गरेको छ । अस्थायी प्रहरी चौकी विजयपुरबाट खटिएको प्रहरीले उनलाई उक्त लागूऔषध सहित पक्राउ गरेको हो । 

यसैगरी सुनसरी, इटहरी उपमहानगरपालिका-१७ पकली बस्ने ३५ वर्षीया जैतुन खातुन समेत ३ जनालाई अवैध लागूऔषध खैरो हेरोइन जस्तो देखिने पदार्थ ९ ग्राम ३ सय ५० मिलिग्राम र नगद ९० हजार रूपैयाँ सहित सोमबार दिउँसो प्रहरीले पक्राउ गरेको छ । इलाका प्रहरी कार्यालय पकली र लागूऔषध नियन्त्रण ब्यूरो शाखा कार्यालय विराटनगरबाट खटिएको प्रहरीले जैतुनको घर तलासी गर्दा उक्त पदार्थ फेला पारी उनीहरूलाई पक्राउ गरेको हो । 

यसैगरी सुनसरी, इनरूवा नगरपालिका-४ बाट अवैध लागूऔषध गाँजा जस्तो देखिने पदार्थ करिब ९० किलोग्राम सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा धनकुटा चौबीसे गाउँपालिका-७ बस्ने २५ वर्षीय साजन लिम्बु र १९ वर्षीय गगन लिम्बु रहेका छन् । अस्थायी प्रहरी पोष्ट सखुवागाछी समेतबाट खटिएको प्रहरीले को.२ ह ६१२५ नम्बरको अटोलाई तलासी गर्दा उक्त परिमाणको गाँजा फेला पारी चालक साजन र अटोमा सवार गगनलाई पक्राउ गरेको हो । 

बाँके, कोहलपुर नगरपालिका-११ थारूगाउँ बस्ने २५ वर्षीय सुदिप थारू समेत ३ जनालाई अवैध लागूऔषध ब्राउनसुगर जस्तो देखिने पदार्थ ५ सय ९० मिलिग्राम सहित सोमबार बेलुकी प्रहरीले पक्राउ गरेको छ । इलाका प्रहरी कार्यालय कोहलपुरबाट खटिएको प्रहरीले सुदिपको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । साथै थप अनुसन्धानको क्रममा उक्त पदार्थ सोही नगरपालिका-११ बस्ने २५ वर्षीय गोपाल रोकाबाट लिएको भन्ने खुल्न आएपश्चात प्रहरीले गोपालको कोठा तलासी गर्दा अवैध लागूऔषध ब्राउनसुगर जस्तो देखिने पदार्थ ५ सय २० मिलिग्राम फेला पारी उनलाई समेत पक्राउ गरेको छ । 

मकवानपुर, हेटौंडा उपमहानगरपालिका-१९ बासुदेव टोलबाट अवैध लागूऔषध गाँजा करिब ५ किलोग्राम सहित सोही उपमहानगरपालिका-१९ बस्तिपुर बस्ने ५३ वर्षीय चन्द्र लामालाई सोमबार राति प्रहरीले पक्राउ गरेको छ । इलाका प्रहरी कार्यालय नेवारपानीबाट खटिएको प्रहरीले कुवापानीबाट बस्तीपुरतर्फ आउँदै गरेको ना.२ ह २६२९ नम्बरको अटोलाई जाँच गर्दा उक्त गाँजा फेला पारी चालक चन्द्रलाई पक्राउ गरेको हो ।  

झापा, दमक नगरपालिका-५ स्थित न्यू अनुसा खाजा घरबाट नियन्त्रित लागूऔषध ट्रामाडोल ८ सय १५ ट्याब्लेट, स्पास्पेन ६ सय ट्याब्लेट र डिकोलिक १ सय १५ ट्याब्लेट सहित ३ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा सोही खाजा घरका संचालक अमित मगर, दमक नगरपालिका-५ बस्ने ३५ वर्षीय मिन कुमार धिमाल र सोही नगरपालिका-९ बरगाछी बस्ने १९ वर्षीय निरन्जन विश्वकर्मा रहेका छन् । लागूऔषध नियन्त्रण ब्यूरो शाखा कार्यालय काँकरभिट्टा र इलाका प्रहरी कार्यालय दमकबाट खटिएको प्रहरीले खाजा घर तलासी गर्ने क्रममा उक्त लागूऔषध फेला पारी तीनै जनालाई पक्राउ गरेको हो । साथै प्रहरीले उनीहरूले प्रयोग गरेको मे.३ प ९४०५ नम्बरको स्कुटर समेत बरामद गरेको छ । 

यस सम्बन्धमा प्रहरीले आवश्यक अनुसन्धान गरिरहेको छ ।