बाँके, खजुरा गाउँपालिका-२ ए गाउँबाट अवैध लागूऔषध ब्राउनसुगर जस्तो देखिने पदार्थ १ ग्राम २ सय २० मिलिग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २५ वर्षीय प्रकाश थापा र २७ वर्षीय गौरव विक रहेका छन् । प्रहरी चौकी राधापुरबाट खटिएको प्रहरीले प्रकाशको घर तलासी गर्दा उक्त पदार्थ फेला पारी उनीहरूलाई पक्राउ गरेको हो ।  

कास्की, पोखरा महानगरपालिका-३२ मझुवाबाट अवैध लागूऔषध गाँजा ५ किलो ४ सय ५० ग्राम सहित मकवानपुर थाहा नगरपालिका-८ बस्ने ३२ वर्षीया ज्योती श्रेष्ठ पुरीलाई शुक्रबार बिहान प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय पोखराबाट खटिएको प्रहरीले काठमाडौंबाट पोखरातर्फ आउँदै गरेको ग.प्र.०१-००१ प ००२४ नम्बरको बसमा सवार उनलाई उक्त गाँजा सहित फेला पारी पक्राउ गरेको हो ।  

यसैगरी कास्की, पोखरा महानगरपालिका-३२ मझुवाबाट नियन्त्रित लागूऔषध डाइजेपाम १८ एम्पुल, बुप्रेनोर्फिन १८ एम्पुल र फेनारगन १८ एम्पुल सहित पर्वत जलजला गाउँपालिका-२ बस्ने ३१ वर्षीय राजेश विश्वकर्मालाई शुक्रबार बिहान प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय पोखरा समेतबाट खटिएको प्रहरीले काठमाडौंबाट बेनीतर्फ आउँदै गरेको बा.प्र.०३-००१ ख २४४४ नम्बरको बसमा सवार उनलाई उक्त लागूऔषध सहित फेला पारी पक्राउ गरेको हो ।

मोरङ, विराटनगर महानगरपालिका-१५ एक नम्बर ढाँटबाट अवैध लागूऔषध खैरो हेरोइन जस्तो देखिने पदार्थ ३ सय ७० मिलिग्राम सहित केराबारी गाउँपालिका-८ बस्ने २३ वर्षीय किरण थापालाई बिहीबार राति प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय विराटनगर समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।  

रूकुम पश्‍चिम, आठबिसकोट नगरपालिका-४ छोटेबगरबाट अवैध लागूऔषध अफिम जस्तो देखिने पदार्थ करिब ३ किलोग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही नगरपालिका-३ स्यालाखदी बस्ने २८ वर्षीय टिकाराम बोहरा र सोही नगरपालिका-२ स्याला बस्ने २० वर्षीय गणेश वली रहेका छन् । जिल्ला प्रहरी कार्यालय रूकुम पश्‍चिम समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

बारा, सिम्रौनगढ नगरपालिका-२ अमृतगंज खजानीबाट अवैध लागूऔषध गाँजा १ सय ८ ग्राम सहित पचरौता नगरपालिका-४ गुलरिया टोल बस्ने ५५ वर्षीय शिबनाथ रायलाई बिहीबार दिउँसो प्रहरीले पक्राउ गरेको छ । प्रहरी चौकी अमृतगंज खजानीबाट खटिएको प्रहरीले उनलाई उक्त गाँजा सहित पक्राउ गरेको हो । 

उदयपुर, बेलका नगरपालिका-५ शिखरमाडीबाट नियन्त्रित लागूऔषध ट्रामाडोल १ सय ट्याब्लेट र स्पास्पेन १ सय ट्याब्लेट सहित सोही ठाउँ बस्ने २६ वर्षीय बिशाल भन्ने खगेन्द्र महतलाई बिहीबार साँझ प्रहरीले पक्राउ गरेको छ । इलाका प्रहरी कार्यालय रामपुर ठोक्सिलाबाट खटिएको प्रहरीले उनलाई उक्त लागूऔषध सहित पक्राउ गरेको हो । 

कैलाली, धनगढी उपमहानगरपालिका-१७ धुर्जन्नाबाट अवैध लागूऔषध ब्राउनसुगर जस्तो देखिने पदार्थ ७ सय ५० मिलिग्राम सहित गोदावरी नगरपालिका-९ बस्ने २७ वर्षीय धुर्व जोशीलाई बिहीबार साँझ प्रहरीले पक्राउ गरेको छ । प्रहरी चौकी कनरीबाट खटिएको प्रहरीले उनलाई उक्त पदार्थ सहित पक्राउ गरेको हो । 

झापा, मेचीनगर नगरपालिका-६ पुरानो मेचीपुलबाट अवैध लागूऔषध खैरो हेरोइन जस्तो देखिने पदार्थ १ ग्राम ५ सय ८० मिलिग्राम सहित शिवसताक्षी नगरपालिका-३ धरमपुर बस्ने तेह्रथुम घर भएका २२ वर्षीय अजय सुनारलाई बिहीबार साँझ प्रहरीले पक्राउ गरेको छ । इलाका प्रहरी कार्यालय काँकरभिट्टा र लागूऔषध नियन्त्रण ब्यूरो शाखा कार्यालय काँकरभिट्टाबाट खटिएको प्रहरीले उनलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।