मानव बेचबिखन तथा ओसारमा पसारमा संलग्न दुई जना पक्राउ

२०८३-०१-३०

A
A^-
A⁺

काठमाडौं, मानव बेचबिखन तथा ओसारपसारमा संलग्न रहेको अभियोगमा २ जनालाई सोमबार प्रहरीले पक्राउ गरेको छ । पक्राउ पर्नेहरूमा र दाङ शान्तिनगर गाउँपालिका-३ बस्ने २६ वर्षीय लोकमान खत्री र स्याङ्जा पुतलीबजार नगरपालिका-४ बस्ने ४४ वर्षीय शिव बहादुर थापा रहेका छन् । मानव बेचबिखन ब्यूरोबाट खटिएको प्रहरीले लोकमानलाई जिल्ला प्रहरी कार्यालय सल्यानको समन्वयमा र शिव बहादुरलाई कास्की पोखरा महानगरपालिका-१७ बाट पक्राउ गरेको हो ।

प्रारम्भिक अनुसन्धानको क्रममा लोकमानले पीडितलाई भिसिट भिसामा बेलायत प्रवेश गराई उक्त भिसालाई वोर्किङ भिसामा परिवर्तन गरी राम्रो कम्पनीमा काम लगाई दिन्छु भनी ४ लाख रूपैयाँ लिएको, वोर्किङ भिसा आएन भनी पुन: अमेरिका पठाइदिन्छु भन्दै पीडितबाट पटक पटक गरी ६५ लाख २६ हजार ७ सय ८० रूपैयाँ लिएको, २०८१ भदौ १८ गते पीडितलाई त्रिभुवन अन्तर्राष्ट्रिय विमानस्थलबाट दुबई, दुबईबाट भारत, भारतदेखि नेपाल, पुन: नेपालबाट कतार, स्पेन, ब्राजिल, पेरू, ईक्वयडर, कोलम्बिया, पानामा, कोस्टारिका, निकारागुवा, हुण्डोरस, मेक्सिको हुँदै अवैध रूपमा अमेरिका पुर्‍याएको तथा अमेरिकी प्रहरीले पीडितलाई अवैध रूपमा अमेरिका प्रवेश गरेको कसुरमा पक्राउ गरी १४ महिना सम्म जेलमा राखि २०८३ वैशाख १८ गते डिपोर्ट गरी नेपाल पठाएको खुल्न आएको छ ।

यसैगरी शिव बहादुरले पीडितलाई अमेरिका पठाइदिन्छु भनी विश्वास दिलाई २०७८ वैशाख ११ गते दुबईको ग्राण्ड नोभा होटलमा पुर्‍याई करिब १ महिनासम्म राखि अमेरिकाको भिसा प्रकृया गर्नको लागि दुबईमा बस्ने एजेन्ट मार्फत पीडितबाट ८ लाख रूपैयाँ लिई भिजिट भिसा तयार गरी दुबईबाट हवाई मार्ग हुँदै बहराईन, टर्की, ब्राजिल, पेरूबाट कोलम्बिया लागि १ वर्ष सम्म अमेरिका लैजाने आश्वासन देखाई विभिन्न किसिमको शारिरक तथा मानसिक यातना दिई बन्धक बनाई राखेको खुल्न आएको छ । साथै पीडितले आफूलाई नेपाल फिर्ता पठाई दिनको लागि अनुरोध गर्दा नेपाल जानको लागि थप रकम बुझाउनु पर्छ भनी दबाब दिएकोले पीडितले पटकपटक गरी १ करोड ४२ लाख रूपैयाँ पठाएको तथा रकम पाएपछि पीडितलाई आफ्नो एजेन्टहरू मार्फत कोलम्बियाबाट पानामा जंगलको बाटो हुँदै मेक्सिको पूर्वी तापाचुला भन्ने बोर्डरमा पुर्‍याउन लगाई नेपाल फिर्ता हुनको लागि थप २० हजार डलर माग गर्न लगाएकोमा उक्त पैसा दिन नसके पछी पीडितलाई मेक्सिकोमै अलपत्र छाडी एजेन्टहरू सम्पर्कविहीन भएको खुल्न आएको छ । पीडितले अमेरिका बस्ने आफन्तसँग समन्वय गरी अमेरिकास्थित नेपाली राजदुतावासको सहयोगमा २०८३ वैशाख २ गते नेपाल फर्किन सफल भएका थिए ।

यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

मानव बेचबिखन तथा ओसारपसारमा संलग्न चार जना पक्राउ

२०८३-०१-०७

कास्की, मानव बेचबिखन तथा ओसारपसारमा संलग्न रहेको अभियोगमा ४ जनालाई शुक्रबार प्रहरीले पक्राउ गरेको छ । पक्राउ पर्नेहरूमा पोखरा महानगरपालिका-२६ बुढीबजार बस्ने ५० वर्षीय विष्णु बहादुर राजभाट, पोखरा महानगरपालिका-९ नयाँबजार बस्ने भारत घर भएका ३१ वर्षीय अमिर उल्ला मिया, पोखरा महानगरपालिका-१७ बस्ने मोरङ घर भएकी २१ वर्षीया महिला र पोखरा महानगरपालिका- ८ बस्ने सिन्धुली घर भएकी ३१ वर्षीया महिला रहेका छन् । पोखरा महानगरपालिका-८ जाल्पारोडस्थित विभिन्न खाजाघरहरूमा अनैतिक गतिविधि भइरहेको भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरीले उक्त कार्यमा संलग्न उनीहरूलाई पक्राउ गरेको हो । प्रारम्भिक अनुसन्धानको क्रममा पीडितहरूलाई विभिन्न प्रलोभन देखाई खानबस्न सुविधा सहित राम्रो तलबमा होटलको काममा लगाई दिन्छु भनी अनैतिक कार्य गर्न लगाउने गरेको खुल्न आएको छ । उनीहरू उपर जिल्ला अदालत कास्कीबाट मानव बेचबिखन तथा ओसारपसार सम्बन्धी कसूरमा ५ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

मानव बेचबिखन तथा ओसारपसारमा संलग्न चार जना पक्राउ

२०८२-१२-२६

काठमाडौं, मानव बेचबिखन तथा ओसारपसारमा संलग्न रहेको अभियोगमा ४ जनालाई प्रहरीले पक्राउ गरेको छ ।पक्राउ पर्नेहरूमा मकवानपुर, बकैया गाउँपालिका-१२ बस्ने ३० वर्षीया वास्ना माया योञ्जन, काठमाडौं चन्द्रागिरी नगरपालिका-१४ नैकाप बस्ने २३ वर्षीय आयुष केसी, दोलखा भिमेश्वर नगरपालिका-४ बस्ने ५६ वर्षीया सुष्मा तामाङ र धादिङ थाक्रे गाउँपालिका-७ बस्ने ४२ वर्षीय हरी शम्शेर रायमाझी रहेका छन् । मानव बेचबिखन अनुसन्धान ब्यूरो काठमाडौंबाट खटिएको प्रहरीले मायालाई काठमाडौंबाट सोमबार तथा आयुष, सुष्मा र हरीलाई मंगलबार काठमाडौंबाट पक्राउ गरेको हो । प्रारम्भिक अनुसन्धानको क्रममा वास्ना मायाले पीडितलाई विभिन्न प्रलोभन एवम् डर त्रास देखाई ललितपुर ठैब र हरिसिद्दीस्थित खाजाघरमा वेश्यावृत्तिमा लगाएको, आयुषले पीडितलाई हङकङमा होटलमा वेटरको काममा लगाईदिने प्रलोभनमा पारी कम्बोडिया पुर्‍याई डर, धाक देखाई बन्धक बनाई जबरजस्ती अनलाईन स्क्यामको काममा लगाएको खुल्न आएको छ । साथै सुष्मा र हरीले ५ जना नाबालिका र ३ जना महिलालाई विभिन्न प्रलोभन तथा डर त्रास देखाई वेश्यावृत्तिमा लगाएको खुल्न आएको छ । पक्राउ मध्ये आयुष, सुष्मा र हरीलाई जिल्ला अदालत काठमाडौंबाट ५ दिन तथा वास्ना मायालाई जिल्ला अदालत ललितपुरबाट ७ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

मानव बेचबिखन तथा ओसारपसार मुद्दाका प्रतिवादी पक्राउ

२०८२-१२-१९

काठमाडौं, मानव बेचबिखन तथा ओसारपसार मुद्दाका प्रतिवादी अर्घाखाँची शितगंगा नगरपालिका-५ घर भएका ३० वर्षीय शिव बहादुर सारूलाई बुधबार प्रहरीले पक्राउ गरेको छ । मानव बेचबिखन अनुसन्धान ब्यूरोबाट खटिएको प्रहरीले उनलाई साउदी अरबबाट फ्लाई दुबाइको उडानद्वारा नेपाल फर्कने क्रममा त्रिभुवन अन्तर्राष्ट्रिय विमानस्थल अध्यागमन कार्यालयको समन्वयमा पक्राउ गरेको हो । प्रारम्भिक अनुसन्धानको क्रममा शिव बहादुरले ह्वाट्सएपमा फोन तथा म्यासेज गरी पीडितलाई आर्थिक प्रलोभनमा पारी २०८१ असोज महिना देखि विभिन्न माध्यमबाट ग्राहकहरू खोजी ग्राहकहरूले भने वमोजिमको होटल तथा कोठामा पठाई जबरजस्ती वेश्यावृत्तिमा लगाएको खुल्न आएको छ । उनी उपर मानव बेचबिखनतथा ओसारपसार मुद्दामा जिल्ला अदालत काठमाडौंबाट ३ दिन म्याद थप अनुमति लिई यस समबन्धमा प्रहरीले आवश्यक अनुसन्धान गरिरहेको छ ।

जबरजस्ती वेश्यावृत्तिमा लगाउने कार्यमा संलग्न दुई जना पक्राउ

२०८२-१२-१९

काठमाडौं, जबरजस्ती वेश्यावृत्तिमा लगाउने कार्यमा संलग्न रहेको अभियोगमा २ जनालाई सोमबार प्रहरीले पक्राउ गरको छ । पक्राउ पर्नेहरूमा सिन्धुपाल्चोक ईन्द्रावती गाउँपालिका-९ घर भएकी सुकुमाया तामाङ र सोही गाउँपालिका-४ बस्ने ३१ वर्षीय प्रमोद तामाङ रहेका छन् । काठमाडौ मनमैजुस्थित सुकुमायाले संचालन गरेको अशोक खाजाघर र प्रमोदले संचालन गरेको मञ्जुश्री खाजाघरमा पीडितलाई प्रलोभनमा पार्नुका साथै डर त्रास देखाई जबरजस्ती वेश्यावृत्तिमा लगाउने गरेको भन्ने पीडितको उजुरीको आधारमा मानव बेचबिखन अनुसन्धान ब्यूरोबाट खटिएको प्रहरीले उक्त कार्यमा संलग्न उनीहरूलाई पक्राउ गरेको हो । उनी उपर मानव बेचबिखन तथा ओसारपसार मुद्दामा जिल्ला अदालत काठमाडौंबाट ७ दिन म्याद थप अनुमति लिई यस समबन्धमा प्रहरीले आवश्यक अनुसन्धान गरिरहेको छ ।

मानव बेचबिखन तथा ओसारपसारमा संलग्न दुई जना पक्राउ

२०८२-१२-०३

कास्की, मानव बेचबिखन तथा ओसारपसारमा संलग्न रहेको अभियोमा २ जनालाई आइतबार प्रहरीले पक्राउ गरेको छ । पक्राउ पर्नेहरूमा पोखरा महानगरपालिका-१४ चाउथे बस्ने भारत घर भएका २४ वर्षीय राधे श्याम शाह र पोखरा महानगरपालिका-१ बगर बस्ने बाग्लुङ काठेखोला गाउँपालिका-४ घर भएका २८ वर्षीय खेमु थापा रहेका छन् । पोखरा महानगरपालिका-८ जाल्पारोडस्थित विभिन्न खाजाघरहरूमा अनैतिक गतिविधि भइरहेको भन्ने सूचनाको आधारमा जिल्ला प्रहरी कार्यालय कास्की र वडा प्रहरी कार्यालय बैदामबाट खटिएको प्रहरीले उक्त कार्यमा संलग्न उनीहरूलाई पक्राउ गरेको हो । प्रारम्भिक अनुसन्धानको क्रममा विभिन्न प्रलोभन देखाई होटलको काममा लगाई दिन्छु भनी पीडित महिलाहरूलाई होटलमा आउने पुरूषहरूबाट रकम लिई जबरजस्ती रात बिताउन लगाउने, अनैतिक कार्य गर्न लगाउने गरेको खुल्न आएको छ । साथै प्रहरीले चार जना पीडितहरूलाई उद्दार गरेको छ । उनीहरू उपर जिल्ला अदालत कास्कीबाट मानव बेचबिखन तथा ओसारपसार सम्बन्धी कसूरमा ७ दिन म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

अपहरण तथा शरीर बन्धक कसूरमा संलग्न तीन जना पक्राउ

२०८२-११-१३

काठमाडौं, अपहरण तथा शरीर बन्धक कसूरमा संलग्न रहेको अभियोगमा ३ जनालाई सोमबार प्रहरीले पक्राउ गरेको छ । पक्राउ पर्नेहरूमा काठमाडौं महानगरपालिका-१४ कलंकी बस्ने सुर्खेत वीरेन्द्रनगर नगरपालिका-५ घर भएका २६ वर्षीय फपेन्द्र न्यौपाने, जुम्ला तिला गाउँपालिका-८ घर भएका ३६ वर्षीय धनराज बस्नेत र कास्की माछापुच्छ्रे गाउँपालिका-७ घर भएका ४२ वर्षीय शिव बहादुर घर्ती रहेका छन् । काठमाडौं महानगरपालिका-१२ टेकुस्थित शिव बहादुरले संचालन गरेको रोडलाईन प्यालेस होटलमा पीडितलाई बन्धक बनाई कुटपिट गरी घाइते बनाएको भन्ने सूचनाको आधारमा काठमाडौं उपत्यका अपराध अनुसन्धान कार्यालय टेकुबाट खटएको प्रहरीले उक्त कार्यमा संलग्न उनीहरूलाई पक्राउ गरेको हो । साथै प्रहरीले पीडितको सकुशल उद्दार गरेको छ । उनीहरूलाई आवश्यक अनुसन्धान तथा कारवाहिको लागी जिल्ला प्रहरी परिसर काठमाडौं पठाइएको छ ।