सर्लाही, चोरीमा संलग्न रहेको अभियोगमा २ जनालाई प्रहरीले पक्राउ गरेको छ । पक्राउ पर्नेहरूमा भारत घर भएका २५ वर्षीय जुनेद अंसारी र २८ वर्षीय रियाज अंसारी रहेका छन् ।  

हरिवन नगरपालिका-११ हरिवन बजारस्थित रिद्धि सिद्धि ज्वेलर्स पसलमा बुधबार बिहान चोरी भएको घटनाको अनुसन्धानको क्रममा जिल्ला प्रहरी कार्यालय सर्लाहीबाट खटिएको प्रहरीले उक्त कार्यमा संलग्न उनीहरूलाई पक्राउ गरेको हो । साथै प्रहरीले उनीहरूको साथबाट सुनका विभिन्न गरगहनाहरू समेत बरामद गरेको छ ।  

यस सम्बन्धमा प्रहरीले आवश्यक अनुसन्धान गरिरहेको छ ।