सुन जस्तो देखिने पहेंलो धातुसहित पक्राउ
२०८०-०४-२५
- A
- A-
- A+
aकास्की, पोखरा महानगरपालिका-९ पृथ्वीचोकबाट सुन जस्तो देखिने पहेंलो धातु करिब २ सय ८० ग्राम २९ मिलिग्रामसहित झापा बिर्तामोड नगरपालिका-१ घर भई काठमाडौ जोरपाटी बस्ने ४५ वर्षीया कल्पना गुरूङलाई बिहीबार बिहान प्रहरीले पक्राउ गरेको छ ।
उक्त चोकमा गुरूङ शंकास्पद अवस्थामा हिँडिरहेकी भन्ने सूचनाको आधारमा वडा प्रहरी कार्यालय बैदामबाट खटिएको प्रहरीले जाँच गर्ने क्रममा शरीरमा लुकाई राखेको २ थानमा रहेको उक्त धातुसहित उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।