ठगी सम्बन्धी कसुरमा संलग्न व्यक्तिहरु पक्राउ

२०८३-०३-२६

A
A^-
A⁺

काठमाडौं, नेपाल बाल संगठन, बाल मन्दिरबाट अनियमित रूपमा रकम लिई ठगी गरेको कसुरमा संलग्न रहेको अभियोगमा ३ जनालाई बुधबार प्रहरीले पक्राउ गरेको छ ।

पक्राउ पर्नेहरूमा नेपाल बाल संगठन, केन्द्रीय कार्यालय बाल मन्दिर नक्सालमा तत्कालीन योजना तथा छात्रवृत्ति शाखा प्रमुख काठमाडौं महानगरपालिका-११ बस्ने ५४ वर्षीया आशा श्रेष्ठ, नेपाल बाल संगठनका जिल्ला कार्य समिति ललितपुरका तत्कालीन सभापति काठमाडौं महानगरपालिका-२१ बस्ने ललितपुर घर भएका ६२ वर्षीय ओमकृष्ण कर्माचार्य र नेपाल बाल संगठन, जिल्ला कार्य समिति, काठमाडौंका तत्कालीन सचिव गोकर्णेश्‍वर नगरपालिका-१ बस्ने ५१ वर्षीय राजेन्द्र कुमार श्रेष्ठ रहेका छन् ।

उनीहरू उपर जिल्ला अदालत काठमाडौंबाट म्याद थप अनुमति लिई यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

यएईस्थित विभिन्न कलेजमा अध्ययन गर्न पठाई ठगी गर्ने कन्सन्टेल्सीका संचालकहरू पक्राउ

२०८३-०३-२७

काठमाडौं, युएईस्थित विभिन्न कलेजमा अध्ययन गर्न पठाई ठगी गरेको अभियोगमा ९ जना कन्सन्टेल्सीका संचालकहरूलाई केन्द्रीय अनुसन्धान ब्यूरोबाट खटिएको प्रहरीले शुक्रबार पक्राउ गरेको छ । पक्राउ पर्नेहरूमा काठमाडौं डिल्लीबजारस्थित Eduport Pvt. Ltd. कन्सल्टेन्सीका संचालकहरू गोकर्णेश्वर नगरपालिका-८ माकलबारी घर भएका ४० वर्षीय रूपक कोईराला, कास्की घर भएका ३७ वर्षीय राजेश भण्डारी, बारा घर भएका ३७ वर्षीय सन्तोष खतिवडा, काठमाडौं पुतलीसडकस्थित Westford Education Pvt. Ltd. कन्सल्टेन्सीका संचालक काठमाडौं चावहिल बस्ने चिन्टु श्रेष्ठ (सोनी श्रेष्ठ), काठमाडौं बानेश्वरस्थित प्रोप एभिएसन प्रा.लि. कन्सल्टेन्सीका संचालकहरू ललितपुर पाक्साटोल बस्ने ३८ वर्षीय सुरेन्द्र महर्जन, सर्लाही घर भएका ३५ वर्षीय दिवस पोखरेल, सिराहा घर भएका २६ वर्षीय मनित आचार्य, धनकुटा घर भएका ३९ वर्षीय शेखर पाण्डे र काठमाडौं कालिमाटीस्थित एस्पायर ग्लोवल प्रा.लि. कन्सल्टेन्सीका संचालक सुनसरी घर भएका २७ वर्षीय बिशाल चापागाई रहेका छन् । प्रारम्भिक अनुसन्धानको क्रममा उनीहरूले काठमाडौंस्थित विभिन्न स्थानमा कन्सल्टेन्सी संचालन गरी नेपाली विद्यार्थीहरूलाई उच्च शिक्षा हासिलका लागि युएईमा संचालित शैक्षिक संस्थाहरूलाई अनुमति दिने आधिकारिक, उच्च शिक्षा मन्त्रालय अन्तर्गतको निकाय MOHESR/ Commission for Academic Accreditation (CAA) बाट समेत स्वीकृति नलिएको कलेजमा अध्ययन गराउन पठाई सो अध्ययन मार्फत फ्रान्स तथा अष्ट्रेलिया लगायतका मुलुकका विश्वविद्यालयहरूबाट मान्यता प्राप्त कलेजमा Credit Transfer समेत हुने भनी झुक्यानमा पारी ठगी गरेको खुल्न आएको छ । यस सम्बन्धमा प्रहरीले आवश्यक अनुसन्धान गरिरहेको छ ।

वैदेशिक रोजगारीमा विभिन्न देश पठाइदिन्छु भन्दै ठगी गर्ने पाँच जना पक्राउ

२०८३-०३-२७

काठमाडौं, वैदेशिक रोजगारीमा आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको अभियोगमा ५ जनालाई प्रहरीले पक्राउ गरेको छ ।पक्राउ पर्नेहरूमा काठमाडौं बुढानिलकण्ठ नगरपालिका-२ बस्ने सिन्धुली घर भएका ३६ वर्षीय कुनसाङ लामा, काठमाडौं तारकेश्वर नगरपालिका-८ बस्ने बर्दिया घर भएका ४२ वर्षीय धन बहादुर शाही, काठमाडौं टोखा नगरपालिका-५ बस्ने ताप्लेजुङ घर भएका ४८ वर्षीय उमेश लिम्बु, काठमाडौं महानगरपालिका-३ बस्ने तनहुँ घर भएकी २१ वर्षीया सचिता परियार र काठमाडौं बुढानिलकण्ठ नगरपालिका-१० बस्ने खोटाङ घर भएका ४१ वर्षीय निरोज राई रहेका छन् । पक्राउ मध्ये कुनसाङले युएई पठाइदिन्छु भन्दै १ जना पीडितबाट २ लाख ७ हजार रूपैयाँ, धन बहादुरले जर्जिया पठाइदिन्छु भन्दै १ जना पीडितबाट २ लाख ९५ हजार रूपैयाँ, उमेशले बेलारूस पठाइदिन्छु भन्दै १ जना पीडितबाट ५ लाख रूपैयाँ, सचिताले रोमानिया पठाइदिन्छु भन्दै १ जना पीडितबाट १ लाख ५० हजार रूपैयाँ र निरोजले टर्की पठाइदिन्छु भन्दै २ जना पीडितहरूबाट ७ लाख ९० हजार रूपैयाँ लिई सम्पर्कविहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले कुनसाङलाई बुढानिलकण्ठ नगरपालिका-२ बाट र धन बहादुरलाई तारकेश्वर नगरपालिका-८ बाट बिहीबार तथा उमेशलाई टोखा नगरपालिका-५ बाट, सचितालाई काठमाडौं महानगरपालिका-३ बाट र निरोजलाई काठमाडौं महानगरपालिका-४ बाट शुक्रबार पक्राउ गरेको हो । उनीहरूलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।

लिखत सम्बन्धी कसुर मुद्दामा संलग्न व्यक्ति पक्राउ

२०८३-०३-२७

काठमाडौं, लिखत सम्बन्धी कसुर मुद्दामा संलग्न रहेको अभियोगमा काठमाडौं महानगरपालिका-३२ जडिबुटी बस्ने रामेछाप दोरम्बा शैलुङ गाउँपालिका-३ घर भएकी ४१ वर्षीया उषा देवी कँडेललाई बिहीबार प्रहरीले पक्राउ गरेको छ । अमेरिकी भिसा आवेदनको लागि पेश गरेको विभिन्न शैक्षिक प्रमाणपत्रहरू मध्ये एसएलसीको प्रमाणपत्र नक्कली रहेको भनी नेपालस्थित अमेरिकी दुतावासको पत्राचारको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उक्त कार्यमा संलग्न उनलाई काठमाडौं महानगरपालिका-३ महाराजगंजबाट पक्राउ गरेको हो । उनलाई आवश्यक अनुसन्धान तथा कारबाहीको लागि जिल्ला प्रहरी परिसर काठमाडौं पठाइएको छ ।

लागूऔषध मुद्दाका फरार प्रतिवादी पक्राउ

२०८३-०३-२७

काठमाडौं, लागूऔषध मुद्दाका फरार प्रतिवादी बाँके कोहलपुर नगरपालिका-१२ चप्परगौडी घर भएका २७ वर्षीय सागर श्रेष्ठलाई प्रहरीले पक्राउ गरेको छ । जिल्ला अदालत बाँकेको २०८० साउन २२ गतेको फैसला उक्त मुद्दामा ५ महिना कैद र पीडित राहत कोषमा २ सय रूपैयाँ जम्मा गराउने सजाय ठहर भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-१६ बालाजुबाट पक्राउ गरेको हो । उनलाई फैसला कार्यान्वयनको लागि जिल्ला अदालत काठमाडौंमा पेश गरिएको छ ।

ठगी, आपराधिक विश्वासघात तथा आपराधिक लाभ कसुर मुद्दाका फरार प्रतिवादी पक्राउ

२०८३-०३-२७

काठमाडौं, ठगी, आपराधिक विश्वासघात तथा आपराधिक लाभ कसुर मुद्दाका फरार प्रतिवादी नवलपरासी पश्चिम रामग्राम नगरपालिका-२ घर भएका ५६ वर्षीय शैलेन्द्र कुमार गुप्तालाई बिहीबार प्रहरीले पक्राउ गरेको छ । जिल्ला अदालत सर्लाहीबाट उक्त मुद्दामा पक्राउ पूर्जी जारी भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-१ नक्सालबाट पक्राउ गरेको हो । उनलाई आवश्यक अनुसन्धान तथा कारबाहीको लागि जिल्ला प्रहरी कार्यालय सर्लाही पठाइएको छ ।

लागूऔषध मुद्दाका फरार प्रतिवादी पक्राउ

२०८३-०३-२६

काठमाडौं, लागूऔषध मुद्दाका २ जना फरार प्रतिवादीहरूलाई बिहीबार प्रहरीले पक्राउ गरेको छ । पक्राउ पर्नेहरूमा काठमाडौं नागार्जुन नगरपालिका-४ बस्ने सिन्धुपाल्चोलक त्रिपुरासुन्दरी गाउँपालिका-२ घर भएका ३० वर्षीय भिमसेन वैजु र २३ वर्षीय विश्‍व वैजु रहेका छन् । जिल्ला अदालत काठमाडौंबाट २०८१ पुस ११ गते उक्त मुद्दामा २ वर्ष कैद र १ लाख रूपैयाँ जरिवाना तथा थप ३ महिना कैद र १० हजार रूपैयाँ जरिवाना ठहर भई फरार रहेका भिमसेनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले नागार्जुन नगरपालिका-४ सितापाईलाबाट पक्राउ गरेको हो । साथै जिल्ला अदालत काठमाडौंबाट उक्त मुद्दामा २ वर्ष कैद र १ लाख रूपैयाँ जरिवाना फैसला ठहर भई केन्द्रीय कारागार सुन्धारा काठमाडौंमा कैद भुक्तान गरिरहेकोमा २०८२ भदौ २४ गतेको आन्दोलनमा भागी फरार रहेका विश्‍वलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-६ सरस्वतीनगरबाट पक्राउ गरेको हो । पक्राउ मध्ये विश्‍वलाई कैद भुक्तानको लागि केन्द्रीय कारागार सुन्धारा काठमाडौं पठाइएको छ भने भिमसेनलाई फैसला कार्यान्वयनको लागि जिल्ला अदालत काठमाडौं पेश गरिएको छ ।