काठमाडौं, त्रिभुवन अन्तर्राष्ट्रिय विमानस्थलको आगमन एरिया बाहिरबाट अवैध लागूऔषध गाँजा जस्तो देखिने पदार्थ करिब ८ किलो ५ सय ग्राम सहित भारतीय नागरिक २९ वर्षीय सेक्क अविध मुख्तरलाई शुक्रबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय त्रिभुवन अन्तर्राष्ट्रिय विमानस्थलबाट खटिएको प्रहरीले थाई एयरबाट काठमाडौं आगमन भएका उनलाई उक्त गाँजा जस्तो देखिने पदार्थ सहित पक्राउ गरेको हो ।  

यसैगरी काठमाडौं, कीर्तिपुर नगरपालिका-१० ट्याङलाफाँट डेरा गरी बस्ने बझाङ छबिसपाथिभेरा गाउँपालिका-१ घर भएका २७ वर्षीय बिबेक भण्डारी समेत ३ जनालाई अवैध लागूऔषध ब्राउनसुगर जस्तो देखिने पदार्थ करिब ३ ग्राम सहित शुक्रबार साँझ प्रहरीले पक्राउ गरेको छ । प्रहरी वृत्त कीर्तिपुरबाट खटिएको प्रहरीले बिबेकको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो । साथै थप अनुसन्धानको क्रममा उक्त लागूऔषध कारोबारमा संलग्न रहेका ललितपुर सानेपा बस्ने मोरङ घर भएका २७ वर्षीय मोहन बस्नेतलाई समेत ब्राउनसुगर जस्तो देखिने पदार्थ करिब २३ ग्राम सहित सानेपाबाट प्रहरीले पक्राउ गरेको छ । 

यसैगरी काठमाडौं महानगरपालिका-९ सिनामंगलबाट नियन्त्रित लागूऔषध फेनारगन २२ एम्पुल, डाईजेपाम २२ एम्पुल, बुप्रेनोर्फिन २२ एम्पुल र नगद १३ हजार रूपैयाँ सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा भक्तपुर बस्ने दाङ घोराही उपमहानगरपालिका-११ घर भएका ३१ वर्षीय सुभाष गिरी र भक्तपुर कौशलटार बस्ने काभ्रे मण्डनदेउपुर नगरपालिका-९ घर भएका ३५ वर्षीय सन्तोष कुँवर रहेका छन् । प्रहरी वृत्त गौशालाबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै प्रहरीले उनीहरूले प्रयोग गरेको बा.प्र.०२-०४० प ५०६० नम्बरको मोटरसाइकल समेत बरामद गरेको छ । 

यसैगरी काठमाडौं, बुढानिलकण्ठ नगरपालिका-११ कपन पयुंटारबाट अवैध लागूऔषध ब्राउनसुगर जस्तो देखिने पदार्थ करिब ८ सय ८० मिलिग्राम सहित काठमाडौं सानुथली बस्ने दोलखा गौरीशंकर गाउँपालिका-१ घर भएका ३७ वर्षीय पेम्बा शेर्पालाई शुक्रबार साँझ प्रहरीले पक्राउ गरेको छ । प्रहरी प्रभाग कपनबाट खटिएको प्रहरीले उनलाई उक्त पदार्थ सहित पक्राउ गरेको हो ।

झापा, बिर्तामोड नगरपालिका-४ आनन्दगंजबाट अवैध लागूऔषध खैरो हेरोइन जस्तो देखिने पदार्थ ७ ग्राम ७० मिलिग्राम सहित ३ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा मोरङ कटहरी गाउँपालिका-४ बस्ने २२ वर्षीय निजाम मिया, ४१ वर्षीया सुगन्दा मण्डल र इलाम घर भएकी ४५ वर्षीया लक्ष्मी दर्जी रहेका छन् । लागूऔषध नियन्त्रण ब्यूरो शाखा कार्यालय काँकरभिट्टा समेतबाट खटिएको प्रहरीले प्र.१-०१-००२ ह ३२७५ नम्बरको सिटिलाई जाँच गर्दा उक्त पदार्थ फेला पारी सिटि चालक निजाम तथा सिटि सवार सुगन्दा र लक्ष्मीलाई पक्राउ गरेको हो । 

कास्की, पोखरा महानगरपालिका-९ हङकङ बजारस्थित मध्यबिन्दु होटल एण्ड लजबाट नियन्त्रित लागूऔषध डाईजेपाम २७ एम्पुल, फेनारगन २७ एम्पुल र नोर्फिन २७ एम्पुल सहित सोही महानगरपालिका-९ पृथ्वीचोक बस्ने स्याङ्जा वालिङ नगरपालिका-१ माझकोट घर भएका ३४ वर्षीय डिक गुरूङलाई शुक्रबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय पोखरा समेतबाट खटिएको प्रहरीले होटलको ११० नम्बरको कोठा तलासी गर्दा उक्त लागूऔषध फेला पारी उनलाई पक्राउ गरेको हो ।

सिराहा, कर्जन्हा नगरपालिका-२ बन्दीपुरबाट अवैध लागूऔषध ब्राउनसुगर जस्तो देखिने पदार्थ ५ ग्राम सहित धनगढीमाई नगरपालिका-७ बस्ने २० वर्षीय अजय कुमार यादवलाई शुक्रबार राति प्रहरीले पक्राउ गरेको छ । इलाका प्रहरी कार्यालय मिर्चैया समेतबाट खटिएको प्रहरीले गण्डकी प्रदेश ०१-००१ ख ०२२१ नम्बरको बसलाई जाँच गर्ने क्रममा बसमा सवार उनलाई उक्त पदार्थ सहित फेला पारी पक्राउ गरेको हो । 

सप्तरी, खडक नगरपालिका-५ बाट नियन्त्रित लागूऔषध डाईजेपाम १ सय २२ एम्पुल र फेनारगन १ सय २१ एम्पुल सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा उदयपुर त्रियुगा नगरपालिका-१३ बस्ने २६ वर्षीय सुमन राई र २१ वर्षीय आशिष अधिकारी रहेका छन् । इलाका प्रहरी कार्यालय कल्याणपुर समेतबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।

बाँके, नेपालगंज उपमहानगरपालिका-१० बाट अवैध लागूऔषध ब्राउनसुगर जस्तो देखिने पदार्थ ८१ ग्राम २० मिलिग्राम सहित सोही उपमहानगरपालिका-१६ जयसपुर बस्ने ३१ वर्षीय फिरोज जसगढलाई शुक्रबार दिउँसो प्रहरीले पक्राउ गरेको छ । जिल्ला प्रहरी कार्यालय बाँके समेतबाट खटिएको प्रहरीले भे.११ प ६८३५ नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ गरेको हो ।

बर्दिया, गेरूवा गाउँपालिका-३ शान्ति बजारबाट अवैध लागूऔषध खैरो हेरोइन जस्तो देखिने पदार्थ ४ सय ६० मिलिग्राम सहित ३ जनालाई शनिबार बिहान प्रहरीले पक्राउ गरेको छ । पक्राउ पर्नेहरूमा सोही गाउँपालिका-३ बालुवाटार बस्ने २२ वर्षीय अमित थारू, मधुवन नगरपालिका-८ लालीबजार बस्ने २५ वर्षीय सागर थारू र सोही नगरपालिका-४ बाँदरभरिया बस्ने २४ वर्षीय आकाश थारू रहेका छन् । इलाका प्रहरी कार्यालय पाताभारबाट खटिएको प्रहरीले भे.११ प ८०२९ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको छ ।