चोरी मुद्दाका फरार प्रतिवादी पक्राउ
२०७९-०५-२६
- A
- A-
- A+
बर्दिया, नकबजनी चोरी तथा जबरजस्ती उद्योग चोरी मुद्दाका फरार प्रतिवादी बारबर्दिया नगरपालिका-२ बस्ने अर्जुन थारुलाई शनिबार राति प्रहरीले पक्राउ गरेको छ ।
जिल्ला अदालत गुलरियाको २०७८ मंसिर १ गतेको फैसलाले नकबजनी चोरी मुद्दामा २ वर्ष ९ महिना कैद र ३० हजार रुपैयाँ जरिवाना र जबरजस्ती चोरी उद्योग मुद्दामा १ वर्ष ३ महिना २ दिन कैद र १५ हजार रुपैयाँ जरिवाना सजाय ठहर भई फरार रहेका उनलाई जिल्ला प्रहरी कार्यालय बर्दियाबाट खटिएको प्रहरीले लुकिछिपी बसेको अवस्थामा उनकै घरबाट पक्राउ गरेको हो ।
उनलाई जिल्ला अदालत गुलरियामा पेश गरिएकोमा अदालतको आदेशले कैद भुक्तानको लागि कारागार कार्यालय बर्दियामा पठाइएको छ ।