विभिन्न हातहतियार सहित पक्राउ
२०७९-१०-१३
- A
- A-
- A+
अछाम, चौरपाटी गाउँपालिका-४ कालिगाडी बस्ने ललित बहादुर कुँवरलाई भरुवा बन्दुक १ थान सहित बिहीबार दिउँसो प्रहरीले पक्राउ गरेको छ । प्रहरी चौकी सिउडीबाट खटिएको प्रहरीले उनलाई उक्त बन्दुक सहित फेला पारी पक्राउ गरेको हो ।
धनुषा, मिथिला नगरपालिका-२ नकटाझिझ चोकबाट माउजर पेस्तोल १ थान र २ राउण्ड गोली लोड गरेको म्याग्जीन १ थान सहित सोही नगरपालिका-७ बस्ने २८ वर्षीय रौशन महतोलाई बिहीबार राति प्रहरीले पक्राउ गरेको छ । ईलाका प्रहरी कार्यालय महेन्द्रनगरबाट खटिएको प्रहरीले उनलाई उक्त हातहतियार सहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।