स्रोत नखुलेको नगद सहित एक जना पक्राउ
२०७९-१०-१७
- A
- A-
- A+
महोत्तरी, मनराशिस्वा नगरपालिका-२ कट्टिगाउँस्थित सडकबाट स्रोत नखुलेको नेपाली नगद ४ लाख ५० हजार रूपैयाँ सहित भारत सितामढी बेलाथाना, सिरसिया गाउँ बस्ने ३० वर्षीय अनिकेत साहलाई सोमबार दिउँसो प्रहरीले पक्राउ गरेको छ ।
प्रहरी चौकी ईटहर्वाकट्टीबाट खटिएको प्रहरीले नेपालबाट भारततर्फ जाँदै गरेको बिआर ३० भि १७३७ नम्बरको मोटरसाइकललाई जाँच गर्ने क्रममा चालक साहको साथबाट उक्त नगद फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।