धनुषा, नगराईन नगरपालिका-२ बाट स्रोत नखुलेको ४ लाख ६ हजार १ सय १५ नेपाली रुपैयाँ र ८ हजार १ सय ६० भारतीय रुपैयाँ सहित धनुषाधाम नगरपालिका-७ बस्ने ३८ वर्षीय जाबिर राईनलाई मंगलबार दिउँसो प्रहरीले पक्राउ गरेको छ । 

ईलाका प्रहरी कार्यालय लग्मा जटहीबाट खटिएको प्रहरीले भारतबाट नेपालतर्फ आउँदै गरेको प्रदेश २-०२-००४ प ७५३४ नम्बरको मोटरसाइकललाई जाँच गर्ने क्रममा मोटरसाइकलमा सवार उनलाई उक्त स्रोत नखुलेको रकम सहित फेला पारी पक्राउ गरेको हो । 

उनलाई आवश्यक कारबाहीको लागि भन्सार कार्यालय जनकपुरमा पठाएको छ ।