कास्की, आफ्नै श्रीमती ४० वर्षीया राधिका कुँवरको हत्या गरेको अभियोगमा पोखरा महानगरपालिका-८ कुँवर टोल डेरा गरी बस्ने अन्नपूर्ण गाउँपालिका-१ नौडाँडा घर भएका ४२ वर्षीय जहरसिंह कुँवरलाई बुधबार दिउँसो प्रहरीले पक्राउ गरेको छ । 

जहरसिंहले विवादको क्रममा खुकुरी प्रहार गर्दा गम्भीर घाइते भएकी राधिकाको पश्चिम क्षेत्रिय अस्पतालमा उपचारको क्रममा मृत्यु भएको भन्ने खबर प्राप्त हुनासाथ वडा प्रहरी कार्यालय बैदामबाट खटिएको प्रहरीले उनलाई पक्राउ गरेको हो ।   

यस सम्बन्धमा प्रहरीले आवश्यक अनुसन्धान गरिरहेको छ ।