अवैध लागूऔषध सहित विभिन्न स्थानबाट २९ जना पक्राउ
२०८३-०१-१०
- A
- A-
- A+
काठमाडौं, चन्द्रागिरी नगरपालिका-३ बाट अवैध लागूऔषध खैरो हेरोइन जस्तो देखिने पदार्थ ५ सय मिलिग्राम सहित मकवानपुर थाहा नगरपालिका-८ घर भएका २७ वर्षीय किरण थिङलाई बुधबार दिउँसो प्रहरीले पक्राउ गरेको छ । प्रहरी वृत्त थानकोटबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी काठमाडौं महानगरपालिका-३१ संगम चोकस्थित शाहा बोईज होस्टेलबाट अवैध लागूऔषध खैरो हेरोइन जस्तो देखिने पदार्थ करिब ३४ ग्राम ८ सय ६० मिलिग्राम, नगद १ लाख ५ हजार रूपैयाँ र डिजिटल तराजु १ थान सहित सोही होस्टेलमा बस्ने सिराहा घर भएका २२ वर्षीय आषिश राय अमादलाई बुधबार दिउँसो प्रहरीले पक्राउ गरेको छ । प्रहरी वृत्त नयाँ बानेश्वरबाट खटिएको प्रहरीले उनको कोठामा तलासी गर्दा उक्त पदार्थ फेला पारी उनलाई पक्राउ गरेको हो ।
यसैगरी काठमाडौं, त्रिभुवन अन्तर्राष्ट्रिय विमानस्थलको आगमन भन्सार टनेल गेटबाट अवैध लागूऔषध गाँजा जस्तो देखिने पदार्थ करिब २ किलो २ सय २० ग्राम सहित भारतीय नागरिक २६ वर्षीय FAEEM ALI लाई बुधबार राति प्रहरीले पक्राउ गरेको छ । नेपाल एयरलाइन्सको उडानद्वारा बैङककबाट काठमाडौं आगमन भएका उनलाई त्रिभुवन अन्तर्राष्ट्रिय विमानस्थल सुरक्षा कार्यालय र लागूऔषध नियन्त्रण ब्यूरो कोटेश्वरबाट खटिएको प्रहरीले उनलाई उक्त गाँजा सहित पक्राउ गरेको हो ।
बारा, प्रसौनी गाउँपालिका-१ प्रसौनी टोलबाट अवैध लागूऔषध गाँजा करिब ११ किलो ७ सय ७० ग्राम सहित २ जनालाई बुधबार बेलुकी प्रहरीले पक्राउ गरेको छ । पक्राउ पर्नेहरूमा जीतपुरसिमरा उपमहानगरपालिका-२२ अम्लेखगंज बस्ने २५ वर्षीय सुकमान गोले र २८ वर्षीय कुमार गोले रहेका छन् । इलाका प्रहरी कार्यालय परवानीपुरबाट खटिएको प्रहरीले प्र.२-०३-००७ प ५९९७ नम्बरको मोटरसाइकलमा सवार उनीहरूलाई उक्त गाँजा सहित पक्राउ गरेको हो ।
कैलाली, टीकापुर नगरपालिका-६ बाट अवैध लागूऔषध ब्राउनसुगर जस्तो देखिने पदार्थ २ ग्राम १ सय ३० मिलिग्राम, नियन्त्रित लागूऔषध ट्रामाडोल २ सय ट्याब्लेट र नाइट्राजेपाम ७ ट्याब्लेट सहित लम्कीचुहा नगरपालिका-२ बस्ने २९ वर्षीय दमन बडुवाल समेत २ जनालाई बुधबार राति प्रहरीले पक्राउ गरेको छ । प्रहरी चौकी सत्तीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।
यसैगरी कैलाली, धनगढी उपमहानगरपालिका-१ शिवनगरबाट अवैध लागूऔषध चरेस जस्तो देखिने पदार्थ करिब १ ग्राम ३ सय मिलिग्राम सहित डोटी बोगटान फुड्सिल गाउँपालिका-४ बस्ने २४ वर्षीय पृथ्वी बम समेत ४ जनालाई बुधबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।
ललितपुर, गोदावरी नगरपालिका-२ पात्लेछापबाट अवैध लागूऔषध गाँजा करिब ८ किलो ५ सय ग्राम सहित सोही ठाउँ बस्ने ४४ वर्षीय सरोज सिलवाललाई बुधबार बेलुकी प्रहरीले पक्राउ गरेको छ । प्रहरी प्रभाग गोदावरीबाट खटिएको प्रहरीले उनलाई उक्त गाँजा सहित पक्राउ गरेको हो ।
यसैगरी ललितपुर, ललितपुर महानगरपालिका-४ बागडोलबाट अवैध लागूऔषध ब्राउनसुगर जस्तो देखिने पदार्थ ६ सय मिलिग्राम र नगद ३ हजार २ सय रूपैयाँ सोही ठाउँ बस्ने मकवानपुर घर भएका ३२ वर्षीय बिरेन्द्र गोलेलाई बुधबार दिउँसो प्रहरीले पक्राउ गरेको छ । प्रहरी प्रभाग सानेपाबाट खटिएको प्रहरीले उनलाई उक्त पदार्थ सहित पक्राउ गरेको हो । साथै प्रहरीले उनले प्रयोग गरेको बा.५४ प ५०४० नम्बरको स्कुटर समेत बरामद गरेको छ ।
यसैगरी ललितपुर, महालक्ष्मी नगरपालिका-८ लुभु बसपार्कबाट नियन्त्रित लागूऔषध नाइट्राजेपाम ७ सय ५० ट्याब्लेट सहित महालक्ष्मी ननगरपालिका-९ लामाटार बस्ने २४ वर्षीय पुरूषोत्तम चौलागाईलाई बुधबार राति प्रहरीले पक्राउ गरेको छ । प्रहरी वृत्त सातदोबाटोबाट खटिएको प्रहरीले उनलाई उक्त लागूऔषध सहित पक्राउ गरेको हो ।
सुनसरी, भोक्राहा नरसिंह गाउँपालिका-३ बाट अवैध लागूऔषध खैरो हेरोइन जस्तो देखिने पदार्थ २० ग्राम सहित इनरूवा नगरपालिका-२ बस्ने २२ वर्षीय सैफ अली सिदिकीलाई बुधबार साँझ प्रहरीले पक्राउ गरेको छ । लागूऔषध नियन्त्रण ब्यूरो शाखा कार्यालय विराटनगर समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।
बर्दिया, बढैयाताल गाउँपालिका-६ रानीपुरबाट अवैध लागूऔषध ब्राउनसुगर जस्तो देखिने पदार्थ २ ग्राम २ सय ९० मिलिग्राम सहित २ जनालाई बुधबार राति प्रहरीले पक्राउ गरेको छ । पक्राउ पर्नेहरूमा मुगु छाँयानाथ नगरपालिका-१ छत्यालबारा घर भएका २८ वर्षीय सुजल मल्ल र २६ वर्षीय अर्जुन कुमार मल्ल रहेका छन् । इलाका प्रहरी कार्यालय मैनापोखरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
यसैगरी बर्दिया, गुलरिया नगरपालिका-११ गणेशपुर बाइपासबाट अवैध लागूऔषध ब्राउनसुगर जस्तो देखिने पदार्थ ३ ग्राम ५७ मिलिग्राम सहित बाँके बैजनाथ गाउँपालिका-४ सिमलघारी बस्ने २४ वर्षीय गौरब खड्कालाई बुधबार दिउँसो प्रहरीले पक्राउ गरेको छ । प्रहरी चौकी महम्दपुरबाट खटिएको प्रहरीले उनलाई उक्त पदार्थ सहित पक्राउ गरेको हो ।
दाङ, तुलसीपुर उपमहानगरपालिका-४ मिलन चोकबाट अवैध लागूऔषध ब्राउनसुगर जस्तो देखिने पदार्थ ५ सय ६० मिलिग्राम सहित सोही उपमहानगरपालिका-१७ बनकट्टी बस्ने २० वर्षीय बिकाश बुढा मगरलाई बुधबार राति प्रहरीले पक्राउ गरेको छ । इलाका प्रहरी कार्यालय तुलसीपुरबाट खटिएको प्रहरीले तुलसीपुरबाट गोठीखोलातर्फ जाँदै गरेको रा.४ प ६६९७ नम्बरको मोटरसाइकलमा सवार उनलाई उक्त पदार्थ सहित फेला पारी पक्राउ गरेको हो । साथै थप अनुसन्धानको क्रममा उनको घर तलासी गर्दा ब्राउनसुगर जस्तो देखिने पदार्थ ७ ग्राम ८ सय ४० मिलिग्राम फेला पारी प्रहरीले बरामद गरेको छ ।
मोरङ, विराटनगर महानगरपालिका-१६ बाट अवैध लागूऔषध खैरो हेरोइन जस्तो देखिने पदार्थ २ सय १० मिलिग्राम सहित सुन्दरहरैँचा नगरपालिका-५ बस्ने ३२ वर्षीय समिर चौधरीलाई बुधबार दिउँसो प्रहरीले पक्राउ गरेको छ । इलाका प्रहरी कार्यालय रानी समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।
उदयपुर, बेलका नगरपालिका-१ आम्बासीबाट अवैध लागूऔषध ब्राउनसुगर जस्तो देखिने पदार्थ करिब १ सय ५५ मिलिग्राम सहित चौदण्डीगढी नगरपालिका-७ बस्ने ३३ वर्षीय आर्जु राई समेत २ जनालाई बुधबार राति प्रहरीले पक्राउ गरेको छ । प्रहरी चौकी भागलपुरबाट खटिएको प्रहरीले फत्तेपुरबाट पैतालिस चोकतर्फ आउँदै गरेको स.१० प ७८०१ नम्बरको मोटरसाइकलमा सवारी उनीहरूलाई उक्त पदार्थ सहित फेला पारी पक्राउ गरेको हो ।
कपिलवस्तु, शिवराज नगरपालिका-५ चन्द्रौटा चोकस्थित होटलबाट अवैध लागूऔषध ब्राउनसुगर जस्तो देखिने पदार्थ करिब ३ सय १० मिलिग्राम र नगद ५१ हजार ६ सय रूपैयाँ सहित भारत सिद्धार्थनगर उत्तर प्रदेश डेबरुवा थाना बस्ने २२ वर्षीय मनिशा खनाल (गुप्ता) समेत ३ जनालाई बुधबार राति प्रहरीले पक्राउ गरेको छ । वडा प्रहरी कार्यालय चन्द्रौटाबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै उनीहरूले प्रयोग गरेको यूपी ५५ एम ७३१५ नम्बरको कार समेत प्रहरीले बरामद गरेको छ ।
सुर्खेत, गुर्भाकोट नगरपालिका-१२ काठनगर चोकबाट अवैध लागूऔषध ब्राउनसुगर जस्तो देखिने पदार्थ १ सय ६० मिलिग्राम र नगद ४ हजार रूपैयाँ सहित सोही नगरपालिका-८ बस्ने २८ वर्षीय मनिष थापा समेत २ जनालाई बुधबार दिउँसो प्रहरीले पक्राउ गरेको छ । प्रहरी चौकी गुमीबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो । साथै उनीहरूले प्रयोग गरेको क.प्र.०२ ००१ प ९११५ नम्बरको मोटरसाइकल समेत प्रहरीले बरामद गरेको छ ।
बाँके, खजुरा गाउँपालिका-७ घर भई सोही गाउँपालिका-५ उडारापुर बस्ने २६ वर्षीय अजिजुल रहमान खानलाई अवैध लागूऔषध ब्राउनसुगर जस्तो देखिने पदार्थ २ सय ७५ ग्राम, डिजिटल तराजु १ थान, नगद ७९ हजार रूपैयाँ लगायतका विभिन्न सरसामान सहित बुधबार राति प्रहरीले पक्राउ गरेको छ । इलाका प्रहरी कार्यालय धनौलीबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो । साथै उनको घरबाट नक्कली पेस्तोल जस्तो देखिने बस्तु १ थान, नक ४ थान, छाप ४ थान, सुनको जस्तो देखिने तिलहरी १ थान, मुन्द्रा ४ थान, सिक्री १ थान विभिन्न बैंकका चेकहरू १३ थान, डिजिटल तराजु १ थान, पेस्तोलको जस्तो देखिने गोली २ थान, भे.८ प २१४५ नम्बरको मोटरसाइकल, प्र.३-०२००० प ८१९४ नम्बर मोटरसाइकल, यूपी ६० एडब्लु २७२७ नम्बरको गाडी समेत बरामद गरेको छ ।
चितवन, भरतपुर महानगरपालिका-२९ चौकी डाँडाबाट अवैध लागूऔषध गाँजा करिब ९५ किलो ९ सय ६५ ग्राम सहित कालिका नगरपालिका-३ पदमपुर बस्ने २७ वर्षीय देब चन्द्र स्याङ्तानलाई गए राति प्रहरीले पक्राउ गरेको छ । प्रहरी चौकी जुगेडीबाट खटिएको प्रहरीले बिआर ०१ पिई ६९४३ नम्बरको पिकअपमा सवार उनलाई उक्त गाँजा सहित फेला पारी पक्राउ गरेको हो । प्रहरीले हाल फरार पिकअप चालकको खोजी गरिरहेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।