काठमाडौं, काठमाडौं महानगरपालिका-३२ कोटेश्वरबाट अवैध लागूऔषध गाँजा करिब २ सय ५२ ग्राम, डाइक्लोमाइन ८ ट्याब्लेट, स्पारेष्ट १० ट्याब्लेट र नगद ३ लाख ३८ हजार रूपैयाँ सहित सोही ठाउँ डेरा गरी बस्ने रामेछाप खाँडादेवी गाउँपालिका-३ घर भएका २४ वर्षीय सन्दिप तामाङलाई बिहीबार राति प्रहरीले पक्राउ गरेको छ । प्रहरी प्रभाग कोटेश्‍वरबाट खटिएको प्रहरीले उनको कोठा तलासी गर्दा उक्त लागूऔषध फेला पारी पक्राउ गरेको हो । 

दाङ, घोराही उपमहानगरपालिका-१४ बाट अवैध लागूऔषध गाँजा जस्तो देखिने पदार्थ ४ किलो ७ सय ८ ग्राम सहित सोही उपमहानगरपालिका-१४ नयाँ बजार बस्ने ४१ वर्षीय युवराज बुढा मगरलाई बिहीबार दिउँसो प्रहरीले पक्राउ गरेको छ । वडा प्रहरी कार्यालय घोराहीबाट खटिएको प्रहरीले नयाँ बजारबाट जनचेतना टोलतर्फ जाँदै गरेको लु.४४ प ७५८१ नम्बरको मोटरसाइकलमा सवार उनलाई उक्त गाँजा सहित फेला पारी पक्राउ गरेको हो । 

यसैगरी दाङ, गढवा गाउँपालिका-५ बाँकी बस्ने २८ वर्षीय शिब कुमार यादवलाई अवैध लागूऔषध गाँजा करिब ४३ किलो ६३ ग्राम सहित बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय दाङ समेतबाट खटिएको प्रहरीले उनको घर तलासी गर्दा उक्त गाँजा फेला फेला पारी पक्राउ गरेको हो ।  

सुनसरी, बराहक्षेत्र नगरपालिका-१० भुटाहाखालबाट अवैध लागूऔषध ब्राउनसगुर जस्तो देखिने पदार्थ ४ ग्राम २ सय ३० मिलिग्राम, गाँजा २ सय ८ ग्राम र नियन्त्रित लागूऔषध स्पास्मो ८ ट्याब्लेट सहित सोही ठाउँ बस्ने ३९ वर्षीय गणेश यादव समेत २ जनालाई बिहीबार राति प्रहरीले पक्राउ गरेको छ । इलाका प्रहरी कार्यालय महेन्द्रनगरबाट खटिएको प्रहरीले गणेशको घर तलासी गर्दा उक्त लागूऔषध फेला पारी उनीहरूलाई पक्राउ गरेको हो । साथै प्रहरीले उनीहरूले प्रयोग गरेको को.२८ प १६४० र बिआर ३८ एएच् २०६३ नम्बरको मोटरसाइकल बरामद गरेको छ । 

जुम्ला, चन्दननाथ नगरपालिका-१ भाङखोलीबाट अवैध लागूऔषध चरेस जस्तो देखिने पदार्थ ९ सय ५० मिलिग्राम सहित कनकासुन्दरी गाउँपालिका-१ मर्फान बस्ने २१ वर्षीय गणेश भण्डारीलाई बिहीबार बिहान प्रहरीले पक्राउ गरेको छ । जिल्ला प्रहरी कार्यालय जुम्लाबाट खटिएको प्रहरीले उनलाई उक्त पदार्थ सहित पक्राउ गरेको हो । थप अनुसन्धानको क्रममा उक्त पदार्थ पातारासी गाउँपालिका-२ तल्फि बस्ने २५ वर्षीय रामकृष्ण बोहोरासंग खरिद गरेको भन्ने खुल्न आएपछि जिल्ला प्रहरी कार्यालय जुम्लाबाट खटिएको प्रहरीले रामकृष्णले आफ्नै घरमा संचालन गरेको पसल तलासी गर्दा चरेस जस्तो देखिने पदार्थ ४ सय ६० मिलिग्राम फेला पारी उनलाई समेत पक्राउ गरेको छ । 

रूपन्देही, सियारी गाउँपालिका-६ लक्ष्मणगंजबाट अवैध लागूऔषध गाँजा २ किलो ३ सय १० ग्राम र नगद ९ हजार १ सय रूपैयाँ सहित २ जनालाई बिहीबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३२ वर्षीय शाहरूख खान भन्ने सराजुदिन खान मुसलमान र तिलोत्तमा नगरपालिका-१६ मधौलीया बस्ने १९ वर्षीय दिवश थारू रहेका छन् । इलाका प्रहरी कार्यालय छपियाबाट खटिएको प्रहरीले सराजुदिनको घर तलासी गर्दा उक्त गाँजा फेला पारी उनीहरूलाई पक्राउ गरेको हो । 

मोरङ, पथरीशनिश्चरे नगरपालिका-१ रत्न चोकबाट अवैध लागूऔषध ब्राउनसुगर जस्तो देखिने पदार्थ ६ सय ४० मिलिग्राम सहित २ जनालाई बिहीबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३८ वर्षीय राज राई र सोही नगरपालिका-८ बस्ने ३८ वर्षीय नर बहादुर विश्वकर्मा रहेका छन् । इलाका प्रहरी कार्यालय पथरीबाट खटिएको प्रहरीले  प्र.१-०२-००२ च ८९२० नम्बरको कारमा सवार राज र मे.५ प ४९५९ नम्बरको मोटरसाइकलमा सवार नर बहादुरलाई लागूऔषध बेचबिखन गर्दै गरेको अवस्थामा उक्त पदार्थ सहित फेला पारी पक्राउ गरेको हो ।  

 झापा, भद्रपुर नगरपालिका-५ मेचीपुलबाट अवैध लागूऔषध ब्राउनसुगर जस्तो देखिने पदार्थ २ ग्राम ५० मिलिग्राम सहित कमल गाउँपालिका-५ लबडारा बस्ने ३० वर्षीय अनिल धिमाललाई बिहीबार दिउँसो प्रहरीले पक्राउ गरेको छ । वडा प्रहरी कार्यालय भद्रपुर समेतबाट खटिएको प्रहरीले उनलाई उक्त पदार्थ सहित पक्राउ गरेको हो । 

  यसैगरी झापा, बिर्तामोड नगरपालिका-४ कंचनजंघा टोलबाट अवैध लागूऔषध ब्राउनसुगर जस्तो देखिने पदार्थ ४ ग्राम २ सय ४० मिलिग्राम सहित २ जनालाई बिहीबार राति प्रहरीले पक्राउ गरेको छ । पक्राउ पर्नेहरूमा सोही ठाउँ डेरा गरी बस्ने भारत किसनगंज ठाकुरगंज-७ घर भएका २६ वर्षीय अल्ताप अन्सारी र बिर्तामोड नगरपालिका-५ घर भएका २४ वर्षीय सुरज चौधरी रहेका छन् । लागूऔषध नियन्त्रण ब्यूरो शाखा कार्यालय काँकरभिट्टा समेतबाट खटिएको प्रहरीले उनीहरूको कोठा तलासी गर्दा उक्त पदार्थ फेला पारी उनीहरूलाई पक्राउ गरेको हो ।  

तनहुँ, आँबुखैरेनी गाउँपालिका-४ बेनीटारबाट नियन्त्रित लागूऔषध डाइजेपाम २९ एम्पुल, बुप्रेनोर्फिन २९ एम्पुल, फेनारगन २९ एम्पुल सहित कास्की पोखरा महानगरपालिका-३० बस्ने ३१ वर्षीय कृष्ण आलेलाई बिहीबार बेलुकी प्रहरीले पक्राउ गरेको छ । अस्थायी प्रहरी पोष्ट मुग्लिङ पुलजिपबाट खटिएको प्रहरीले उनलाई उक्त लागूऔषध सहित पक्राउ गरेको हो ।  

सिराहा, नवराजपुर गाउँपालिका-३ जगतपुर बस्ने ३० वर्षीय विरेन्द्र यादवलाई अवैध लागूऔषध ब्राउनसुगर जस्तो देखिने पदार्थ ४ ग्राम र डिजिटल तराजु १ थान सहित बिहीबार राति प्रहरीले पक्राउ गरेको छ । इलाका प्रहरी कार्यालय महेशपुरपतारबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो ।

यसैगरी सिराहा, धनगढीमाई नगरपालिका-१० धनगढी बजारबाट अवैध लागूऔषध ब्राउनसुगर जस्तो देखिने पदार्थ करिब ५ ग्राम ६ सय १० मिलिग्राम सहित लहान नगरपालिका-१३ बस्ने २२ वर्षीय दिपक कुमार महत्तो समेत २ जनालाई बिहीबार दिउँसो प्रहरीले पक्राउ गरेको छ । इलाका प्रहरी कार्यालय धनगढी र लागूऔषध नियन्त्रण ब्यूरो शाखा कार्यालय गोलबजारबाट खटिएको प्रहरीले म.प्र.०१-००६ प २५९५ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो ।

यसैगरी सिराहा, औरही गाउँपालिका-१ हनुमान चोकबाट अवैध लागूऔषध ब्राउनसुगर जस्तो देखिने पदार्थ १ सय मिलिग्राम र नियन्त्रित लागूऔषध नाईट्राजेपाम २ ट्याब्लेट सहित सुखीपुर नगरपालिका-५ लर्कन्हा बस्ने २५ वर्षीय उदगार मुखियालाई बिहीबार राति प्रहरीले पक्राउ गरेको छ । प्रहरी चौकी हर्कट्टीबाट खटिएको प्रहरीले भारतबाट नेपालतर्फ आउँदै गरेको स.८ प ११०६ नम्बरको मोटरसाइकलमा सवार उनलाई उक्त लागूऔषध सहित फेला पारी पक्राउ गरेको हो । 

कपिलवस्तु, मायादेवी गाउँपालिका-४ चाकरचौडाबाट नियन्त्रित लागूऔषध स्पास ९ ट्याब्लेट सहित सोही गाउँपालिका-८ बिजुवा बस्ने १९ वर्षीय रहमान मियालाई बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय कपिलवस्तु समेतबाट खटिएको प्रहरीले उनलाई उक्त लागूऔषध सहित पक्राउ गरेको हो । 

  यस सम्बन्धमा प्रहरीले आवश्यक अनुसन्धान गरिरहेको छ ।